利寶閣 (已結業)

我地屋企習慣星期六大多數都會一齊飲茶，所以屋企附近嘅酒樓基本上我地都去過哂😂最近留意到附近有酒樓開始搞點心放題，好似幾唔錯咁，一個價錢任點又食點心，就訂定枱帶埋屋企人去試試！當日好多人，不過都只係等左一陣好快就有得入座，等位嗰陣聽到好多人都係專登嚟試佢嘅點心放題。超過五十款點心任叫，好多選擇！✨淮山黑木耳百合 : 食落爽口清甜👍🏻✨花膠灌湯餃(每位一客) : 新鮮滾熱辣！湯底濃郁，灌湯餃足料好味，入面嘅豬肉同蝦肉鮮味彈牙，花膠滑溜腍身。✨原隻鮑魚酥(每位一客) : 鮑魚仔鮮味彈牙👍🏻✨腐乳唐生菜 : 生菜新鮮，淥得啱啱好，非常爽脆。✨蒜香雞中翼 : 外脆內軟，好juicy。✨百花燒賣皇 : 皮薄餡靚，口感彈牙。✨養顏貢棗糕 : 煙煙韌韌，味道清清地，唔錯。✨蘿蔔金錢肚 : 好入味，又彈牙👍🏻✨醬皇蒸鳳爪 : 入味鬆化✨蘋果叉燒酥 : 外皮鬆化香脆，入面仲有蘋果蓉，甜甜地👍🏻✨鮮蝦腐皮卷 : 彈牙蝦肉大大隻，好足料！✨XO醬煎腸粉 : 炒得均勻，惹味！✨沙田雞粥 : 粥底香綿軟滑。✨芒果布甸✨杏仁茶甜品都要早少少叫定，芒果布甸好搶手呀，賣哂就冇。