上海老正興菜館 (已結業)

今日同大口仔食午飯,佢話朋友介紹呢一間又平又好味又抵食又少人,所以二話不說就度試下!我都係第一次黎呢間,午市客飯真係好抵食,因為一個餐有一大碗中湯,一個送同兩大碗飯,我地今日都係叫佢每人扣起一碗飯,反正食唔晒!而中湯方面,今日係青紅蘿蔔瘦肉湯,估唔到又夠料又唔油喎,好清又有營養呢!我地一人叫左一個餐,送就可以share食,分別係通菜炒牛肉同蝦仁豆腐,兩個質素都唔差! 蝦仁豆腐比較好,有八九件豆腐,個獻好入味,稍稍有問題係豆腐唔夠新鮮,雖然無變壞,但我已經食到其中一件有少少酸酸地既味道,不過配料有青豆,紅蘿蔔,菇等,我都好鐘意…最唔夠好係蝦仁好細粒,但以咁既價錢,呢個係意料中事!通菜炒牛肉其實好入味,不過通菜老左,而且多油多汁,可改善一下,令我覺得唔抵係後來有人搭又係叫呢個送,我見到佢碟通菜好青好新鮮,而且作碟都無咁多油,好過我地個碟好多咁…質素應該穩定些嘛!