上海老正興菜館 (已結業)

臺北舊同事與兩位女兒來港觀光購物, 當然要帶他們去吃晚飯, 舊同事是一位很中國人的中國臺灣人, 她僅吃中國菜! 他們的酒店在尖沙咀, 所以就在尖沙咀吃晚飯, 他們好想吃上海菜,所以去了老字號的上海老正興菜館!我由小吃到大, 環境是殘舊咗少少, 待應是年紀大一點, 很親切友好, 態度不錯, 其實這樣的老店在香港已不多, 難得還能保持一貫的水準. 希望他們還能夠做下去, 能保留我跟父母親的美好回憶。散叫了以下菜式 :1. 馳名沙煲雲吞鷄 -依然十分好味, 湯底鮮甜, 鷄肉很甜, 雞肉質料仍算滑, 雲吞細細隻 (bite size),紹菜勁入味!!!2. 清炒豆苗 : 味道剛剛好3. 醉雞:酒濃 美味!4. 小籠包 : 比鼎泰豐 更好, 皮簿涵靚 , 起碼熱辣辣及 香噴噴!!5.上海粗炒 : 不油不膩, 保持水準.6.回窩肉炒年糕:幾夠味，送飯一流7. 清炒蝦仁:好 味好 味8. 蔥油餅 & 炸銀絲卷OK! OK!9. 豆沙窩餅:好正 好 味好 味, 但大家努力努力吃, 還是吃不完, 最後都要食剩打

去食之前睇過下d食評。有d講到好差甘。但食完又唔係幾覺喎，今日放工同同事去左。我地5個人。叫左小籠包，炒年糕，回窩肉，冷盤，蝦仁炒蛋幾個客飯甘，d待應睇落去都好大年紀。無特別差既態度，我地本來都預左唔會好食掛，點知一上到菜。真係好食喎，出乎我地既預奇，小籠包唔錯，回窩肉炒年糕幾夠味，送飯一流，蝦仁炒蛋我地食到無得剩，冷盤有d偏甜，之後又叫個豆沙窩餅，好正，我地幾乎清哂。值得一試，真係唔錯囉。走哥陣老闆仲笑笑口同我地講多謝哂。

今日放工去左呢間老正興食個lunch! 成日覺得d老店應該會好食，好傳統。但呢間係失望囉！４個人叫左担担麵，炒年糕，小籠包，上湯菜肉餃，豆沙窩餅，素菜包。1)担担麵, d 麵ok, 但覺得個湯比較淡味。但如果辣返少少,多返少少花生醬會更加好。2)炒年糕, 年糕太大舊啦, 同埋d 料唔夠囉, 好似得幾條菜幾條肉絲炒咁!唔吸引。3)小籠包, 一籠有10小隻, ok既, 皮薄, 但咬落無咩汁, 只係大舊肉。4)上湯菜肉餃, 極普通, 其實好似小籠包咁, 只係放左上湯煮。5)豆沙窩餅, 最好食, 好多豆沙, 唔太甜, 煎得香脆, gd!6)素菜包, 一個字"差", 包皮太濕, 素菜包點解有肉既? d 料都係好似小籠包咁~4個人食左$18x, 個到無環境, 無服務, 食一次就夠啦~

4月9日係拍拖紀念日, 但係由於我有事做所以遲左一日先慶祝, 老公仔俾我話晒事, 話我想食乜就食乜, 本來想食韓國嘢, 但係0係門口睇到d餐牌, d價錢都幾貴, 跟住行到天文台道, 見到上海老正興, 就突然想食小籠包, 所以就入左去我地2個人嗌左小籠包,醉雞,雞絲海哲,炸銀絲卷,清炒蝦仁,酸辣面個醉雞真係好掂, 呢碟醉雞係我咁大個女, 食過最好味0既一碟, 清炒蝦仁都唔錯, 不過食多幾啖就覺得好dry, 雞絲海哲,炸銀絲卷同酸辣面都係普普通通, 而個小籠包就差唔多食飽都未黎, 個waiter叔叔話個蒸籠啱啱換左水, 要等佢煲熱番d水先可以蒸小籠包, 好味就好味, 但係食唔晒要打包囉....第二日蒸番d小籠包黎食都仲係咁好味, 已經計劃緊下個月一出糧又再去食過~

跟honey第一次在此用膳, 點了三個菜:醉雞 - 酒濃, 雞件大!菜肉雲吞 - 雲吞料足又新鮮, 菜多, 唯湯略淡。砂鍋獅子頭- 好大鍋, 獅子頭肉嫩又軟。

今晚好想吃上海野, 便同爸媽一行四人去了老字號的老正興, 之前已吃過幾次不過已是很之前的事. 今次人多一點可以多叫一些. (但四人套餐裡的東西唔喺幾啱口味, 所以散叫了以下菜式:1. 韮菜炒膳糊 - 不油不膩而且膳糊炒得火侯剛剛好, 不會"唸bed bed"2. 馳名沙煲雲吞鷄 - 十分好味, 湯底鮮甜無比, 鷄肉應煲了很久, 但不會"鞋zap zap", 雲吞細細隻, "滑lu lu", 紹菜煲到唸晒, 勁好味!!!3. 獅子頭 : 肉丸不會"死實實", 好入味4. 清炒豆苗 : 可能當造, 非常清甜嫩滑, 味道調校得剛剛好5. 小籠包 : 可比美鼎泰豐, 皮簿涵靚 ("熱辣辣, 香噴噴")6. 在上海食唔到的上海粗炒 : 就係想食上海粗炒才想吃上海野, 亦冇令我失望. 保持水準.上菜都好快, 差不所有菜一起上齊. 好能現在人們注重了健康, 所以所有菜式無以前咁多油, 而且可能日本旅遊書有介紹, 所以都有幾多日本客來吃. 不過服務就一般啦, 洗手間不算乾淨(但又不是什麼大酒店)下次想再吃上海菜, 還是會再來

跟下面食評一樣，我又係一個人到尖沙咀剪完髮來食lunch，點了lion head ball 菜飯，碟lion head ball 係健康版勁多菜，赤醬唔太農油但好味菜飯又是勁多菜又好味不錯的老店

一個人到尖沙咀剪完髮後，四圍找地方食晚飯。最後想起同事曾說天文台道有間上海菜館很不錯，但她忘記那菜館的名字。當行到上海老正興菜館門口，直覺告訴我應該是它了。由於我只有一個人，伙計的態度相當無禮貌。　算吧！不要和那些老人家計較。我點了一碗燻魚湯粗麵 (HK$30)。我見伙計送上一壺茶和一碟花生 ，所以沒有叫豆漿。 等了相當久，終於我的晚餐到了。由於心裡有點不滿，所以沒心情影相。兩大塊燻魚放在麵上，賣相不錯,，大大碗。燻魚味道其實幾好，但不應放在湯內，分開碟上就very good la。 粗麵也做得不錯，夠彈牙有口感。豆瓣醬都幾好味。心想碗麵HK$30，加埋壺茶和一碟花生，起碼HK$50。最後竟然是HK$39，超抵吃。

記得兩年前，曾試過這間上海老正興，店內裝修陳設比較傳統今天順道經過，決定入內一試一行二人叫了其招牌菜砂鍋雲吞雞、生煎包、三鮮炒麵在未落單前，看到菜牌上除了有中、英文外，還有日文！相信有不少外國食客光顧，也有不少旅遊書介紹吧？估計水準應不錯的這裏的砂鍋雲吞雞的湯用津白菜、半隻雞來煲，有別於其他的用唐生菜，加上感覺上全不落味精，所以相對地比較清淡，但鮮甜剛略有不足煲內的雲吞唔算多，而且也算細粒，可是雲吞尚是皮薄，唔錯雞的質素是另一值得讚的地方，雖然經慢火煲了數小時，但雞肉質料仍算滑這道較清淡的砂鍋雲吞雞，值得一試，沒有丟老正興的面子！生煎包的包皮比較厚，但內裏的涵------豬肉初得比較細粒較厚的包，在蒸製時有效將豬肉的新鮮鎖死三鮮炒麵又是一道不錯的菜，炒麵底香脆可口，配料也足夠，但同樣地也是偏較清淡，失卻了叫三鮮炒麵那種較香濃可口的味道！整體而言，如此水準都食得過，尤其更適合於飲食較清淡的朋友了

因有要事去科學館, 所以便順便來了這間老正興. 已經有很多年沒來過了, 裝修雖然有點破舊, 但好在食物依然還有水準.點了砂碢雲吞雞, 肴肉及三鮮炒反. 肴肉都幾貴($78)但很足料和好吃. 雲吞雞半份($95)湯味很濃, 雞肉都很軟熟但又不老, 已足夠二,三人吃. 我跟亞B兩人己食得很飽.可是星期五晚上八時多只有數台人客, 有兩台還是內地旅行團. 其實這樣的老店已不多, 難得還能保持一貫的水準. 希望他們還能夠做下去.

星期一九點鐘一支公殺入呢間老店，人唔多亦唔駛等位，伙記帶位之後想我快ｄ落單，介紹回鍋肉俾我話係招牌菜，我心諗唔係丫嘛，難得入得黎呢間老店，梗要試返ｄ平時唔會叫既野食啦，卒之就叫左走油元蹄，再加一籠小籠包。先黎即叫即蒸既小籠包，一客４０大元但有１０隻咁多，牌面已經遠勝市面其他所謂既上海菜名店，小籠包咬入口肉鮮湯甜，爽死！之後主菜上檯，夠晒肥既元蹄撈飯一流，不過一條友食真係吃力，最後都要食剩打包返屋企。埋單＄２２０，可以碌卡。下次會試埋另一最愛既麻婆豆腐。

印象中哩間嘢都好似好多年，入到去感覺上都確實如此，唔係單單因為大部份嘅伙計都係上晒年紀，而係佢內籠一樣上晒年紀，都幾殘殘舊舊。本應老店可以有老店的氣質，有懷舊嘅味道，但晌度感覺好似缺乏咗D朝氣同幹勁，可能咁啱今日又少人幫襯，所以總有D遲暮黃昏嘅感覺！以尖沙咁區而言，三十零蚊一個客飯，真係抵食過去快餐店，奈何食物水準普通，只有靠熟客仔頂住！點咗一個回窩肉客飯，加個鮮肉小籠包同上海炒年糕！其實D伙計都幾好招呼，都有禮貌，一起手就哩咗一大兜例湯，味道普普通通咁。回窩肉幾惹味，絕對有上海嘢嘅澴油赤醬嘅特色，但豬肉無乜，椰菜就大把；鮮肉小籠包比較厚皮咗，所以一口咬落去小籠包個頂頂會成舊粉，同埋豬肉餡唔夠汁，些少乾身；凈番個上海炒年糕，中規中矩，味道再濃D仲好！

到上海老正興菜館食午飯，炒鱔糊客飯套餐($40)，湯和飯都不熱，鱔糊味道還可以，夠味但不太濃。侍應生的態度很差，店大欺客。例如有位伯伯在侍應送上茶後，問侍應要多一壼水，侍應粗聲粗氣答：「乜你飲咁多水！」

這裡是我跟父母久久總會到的地方父母帶我及姊弟妹們由小吃到大的食堂之一....我也愛詔這裡...因為有人情味...今天朋友跟我，父母及他們的孫兒 (可愛楠)一起到來...天氣十分熱...先來一人一杯豆漿.....老闆好老實.....跟我們說.....豆漿剛造好...不太凍...還把冷氣開大一點.....這樣殷勤的態度......當然不打緊.. 我們頭盆吃了油炆筍 4/5....爽脆甜味適中海浙拚薰魚.... 5/5....燻魚好新鮮...味道充實而魚肉爽脆.....本人墨水有限..總之...好吃小 "lung" 飽.....3.5/5......這裡的小 "lung" 飽不是坊間的非常皮薄型...但是小 "lung" 飽也多汁......一"lung" 十個......才 $3x-$4x.....絕對是抵吃之選清炒蝦仁...老闆見我們叫了啤酒.....建議我們加腰果...可以'送"酒....最開心是不用加錢.. 鱔糊炒冷麵"食咸".....這個是老闆介紹的....因為炒鱔糊是上一代十分愛吃的菜....是富貴的象徵......但味道偏甜....但老一輩容易有糖尿病.....所以發明這做法.

一行7人....叫左....蝦肉小籠包 + 雲腿津白湯 + 走油元蹄 + 蔥爆牛肉 + 醬燒茄子 +蔥油餅 + 炸銀絲卷蝦肉小籠包.......皮厚都算喇....仲要係冇汁....如果係咁....我真係食公仔點心果d 好過啦雲腿津白湯.....呢個'Nok....一路都好like 呢隻'騺~又有津白食....d 湯夠濃味~~正!!蔥爆牛肉&醬燒茄子......不過不失....比較濃味.......蔥油餅 & 炸銀絲卷........差到無論....蔥油餅....一尼成個東甩咁...好似幾得意啦....點知....一食落....d 皮係蘇皮....但係勁乾.....將住個口...d 蔥油爆得唔香....炸銀絲卷....完全睇唔到佢的銀絲....根本係一個白面飽.....成餐飯唯一可取的係....佢的走油元蹄佢d 肉真係好林好好味~~好大隻....一睇已經好有感觀的享受聞落真係香噴噴的....加埋佢d嫩滑的肉....合適的脂肪比.....真係正雖然有d 肥膩....但係咁好味...咁乜都唔記得啦