韓珍 (帝國中心) (已結業)

約咗半年冇見嘅姊妹們吹水，講吓近況。其實本身對韓國料理嘅印象一般般，甚麼燒肉、部隊鍋等，都唔係賣飛佛。但係今次有人提議嚟呢間食，心諗都可以試吓嘅。而家網上預 訂有85折優惠，我地揀咗午市套餐，仲包咗前菜同一碗唔知咩湯，我估係人參雞湯卦。計埋每人都唔駛$100就坐足兩個鐘，冇人催埋單，仲可以慢慢坐。我揀咗牛肉石頭鍋飯，牛肉份量好多，雖然牛肉唔算話十分juicy, 但係個飯就超級熱辣辣，就算食到最後一啖都係暖的。對於比較喜歡熱食嘅我係大推！假期嘅尖東，人流唔算好多，喺呢度搵嘢食確係比較容易，可以享受吓假日悠閒嘅感覺。