🥢蝦頭油海皇銀芽炒鴛鴦米
米粉與粉絲炒得非常清爽，畫龍點睛嘅蝦頭油令到整體味道豐富起來，香口惹味，海鮮有帶子、鮮蝦及蚌片，另外仲有豐富嘅配料，包括有蛋絲、韭菜、韭黃、芽菜、唐芹及洋蔥。
🥢蜜汁叉燒
表面微微焦香，蜜糖與醬油味道平衡，濃而不膩，口感軟嫩。
🥢彩福蝦餃皇
餃型飽滿漲卜卜，內裡蝦肉充實，最鍾意加咗筍粒，增加清爽口感，食落仲好juicy 。
🥢原隻鮑魚燒賣皇
原隻鮑魚口感軟滑中不失Q彈，豬肉與鮮蝦比例剛好，質地爽彈，仲添加咗菇粒，增添豐富口感及香味。
🥢特色百花羊肚菌
鮮香濃郁嘅羊肚菌下面係墨魚滑，並混合咗甘筍及唐芹，質地Q彈中帶份爽脆清新口感。
