醉月 (已結業)

🎋盛 ～ 合共十道菜色，師傅詳細講解，展現鐵板燒職人工架，好開心嘅體驗！🔸黑松露帶子半隻手掌咁大粒嘅帶子，非常鮮甜，稍稍用牛油香煎已經十分美味。先食無松露醬嘅帶子，食鮮味原味，彈牙口感；再食配有黑松露醬的，少少鹹嘅松露醬更提升了帶子嘅鮮甜，帶出另一風味。🔹鵝肝多士我真係好鍾意食鵝肝🤤外層煎到薄脆，鵝肝入口即溶，一咬油香係口腔內超回甘！慢慢食配啖茶，好幸福哦~🔸白金鯛用半煎炸，令外層魚鄰香脆，絕對係外層超crispy，金鯛魚肉超香滑！高湯加上洋蔥，蘆筍，煮成日式洋蔥湯，食完鵝肝多士先飲湯，仲可以減少鵝肝嘅油膩感，清新口腔，再食下一道菜。🔹日本黑豚肉薄燒蔥，蒜，洋蔥粒先煮到超香脆備用，鹿兒島黑豚肉新鮮調味，稍稍一煎，放入脆口蔥，蒜，洋蔥粒卷起。薄片豬腩肉，香煎後油膩更細膩，肉卷放入口先脆，後油香加葱蒜香，令人回味十足。配上洋蔥汁或特色自家製燒汁 ，解膩更開胃。🔸櫻花蝦蛋炒飯使用蛋黃炒飯, 配上櫻花蝦，蔥，蒜，洋蔥，菜心粒，蘿蔔粒，炒飯層次分明。欣賞師傅將蛋黃，蛋白分開炒，蛋黃令飯粒更香，蛋白就令每啖飯都更有口感。最後加上濃邊流心日本蛋，蛋香美味滿分。🔹漬物· 麵豉湯餐廳自家製嘅漬物，小青瓜