影片
更多
2017-12-11
469 瀏覽
幾時都話元朗多正野，今次去呢間真係正，已經bookmark定！一入到去見到好多自助吧，同埋一個磯燒既爐，初時都有Ｄ驚自己唔識燒，好彩有時店員會提點，同埋菜單上面都有唔同食材燒既時間或者步驟，咁大家可以唔駛怕啦～甜品櫃或飲品吧都有好多人中意既野，雪糕有大熱雪糕品牌，仲有一Ｄ幾懷舊，細細個已經食開。飲品仲有好多人中意既果味酒，仲有幾熱賣既啤酒！放題種類都好多野揀，生、熟、蔬菜、肉、海鮮，真係咩都有齊。每兩位會送一盤海鮮拼盤，呢個真係好吸引。包括有蝦、鮑魚、青口、 元貝、大蜆同蟹蓋等，每種食材用燒既方法，除左令海鮮充滿炭火香之外，同時又可以令用家輕易控制火候。每種食材都係新鮮又飽滿，口感彈性又爽口，而且燒既方法仲可以保留海鮮既鮮味。同枱仲有Ｄ清酒，加埋落海鮮入面，可令海鮮味道提鮮！好彩枱上面都有唔同工具，有啲夾或者剪刀，大家可以等有殼既海解開口後再剪開，咁就可以方便Ｄ去食。而且餐牌紙有每種食材既燒法，大家跟住步驟就可以自己燒到～每種食材都係漲卜卜又鮮味，口感又滑，頭盆已經令人流哂口水.. 呢個有Ｄ蟹膏同蟹肉，幾吸睛，不過味精有啲咸。之後自己再ORDER左其他海鮮，仲有啲特別既海鮮要自己另外追
一入到去見到好多自助吧，同埋一個磯燒既爐，初時都有Ｄ驚自己唔識燒，好彩有時店員會提點，同埋菜單上面都有唔同食材燒既時間或者步驟，咁大家可以唔駛怕啦～
甜品櫃或飲品吧都有好多人中意既野，雪糕有大熱雪糕品牌，仲有一Ｄ幾懷舊，細細個已經食開。
飲品仲有好多人中意既果味酒，仲有幾熱賣既啤酒！
放題種類都好多野揀，生、熟、蔬菜、肉、海鮮，真係咩都有齊。
每兩位會送一盤海鮮拼盤，呢個真係好吸引。包括有蝦、鮑魚、青口、 元貝、大蜆同蟹蓋等，每種食材用燒既方法，除左令海鮮充滿炭火香之外，同時又可以令用家輕易控制火候。每種食材都係新鮮又飽滿，口感彈性又爽口，而且燒既方法仲可以保留海鮮既鮮味。
同枱仲有Ｄ清酒，加埋落海鮮入面，可令海鮮味道提鮮！
好彩枱上面都有唔同工具，有啲夾或者剪刀，大家可以等有殼既海解開口後再剪開，咁就可以方便Ｄ去食。而且餐牌紙有每種食材既燒法，大家跟住步驟就可以自己燒到～
每種食材都係漲卜卜又鮮味，口感又滑，頭盆已經令人流哂口水..
呢個有Ｄ蟹膏同蟹肉，幾吸睛，不過味精有啲咸。
之後自己再ORDER左其他海鮮，仲有啲特別既海鮮要自己另外追加既。
海蝦好大隻，而且好夠味，口感又彈牙，真係好新鮮。珍珠元貝就勝在彈性高，味道鮮。
燒菠蘿好香甜，咬落去都爆汁咁。
呢個係芝士蠔，口感幾CREAMY，而且細細粒又漲卜卜，好值得再ENCORE！
另外，我仲叫左其他熟食！
呢個松葉蟹柳，真係即叫即炸，勁熱又香脆，而且松葉蟹味好重，之後都叫左幾次！
呢個係麻辣煮花螺，初初食落唔會即刻食到個辣味，個辣味係慢慢滲番出去，我接受到既（平時食開三哥四小辣），我覺得個辣度都唔會好勁（可能自己食開較辣）。個螺夠熟又夠彈牙，真係密食都好正，如果加埋啤酒就最正！
另外自己都叫左Ｄ壽司，包括係鰻魚、皇帝蟹棒、韓國霜降牛肉，壽司表現都好好，食材味道幾濃郁，真係唔可以睇小放題既小食。
張貼
