Flakes & Layers (已結業)

Donut就食過唔少，Ooonut你又知唔知係乜？原來係Amanda S.研發嘅Donut同千層酥混合體，暫時只會以pop-up形式出售，上個月喺teaka賣，九月就喺k11 musea海傍位置擺左架粉紅色嘅food truck，留意返尖沙咀pop-up做到月尾咋，之後會再公佈下一個pop-up地點。落單後店員會喺你面前將忌廉唧落個ooonut度，今日我地仲見到Amanda 添。🍽Pistachio Ooonut🍽Vanilla Ooonut賣相黎講真係無可挑剔，厚厚嘅糖霜上面灑滿糖粒同開心果碎，側望清楚見到一層層酥皮，不過唔知係咪因為我地近3點先到，個ooonut無想像中咁脆身，上層已經淋左有啲韌，個底就好少少，食得出牛油香但無樓下間牛角包咁重。開心果味係尖沙咀期間限定口味，睇介紹話係用土耳其開心果打成，但除左甜之外我食唔出其他味道。雲尼拿嗰款就用上大溪地雲尼拿豆，個忌廉係幾幼滑，但都係無咩味道，勝在唔甜膩，試一次就夠。