影片
更多
2012-06-11
12 瀏覽
第一次自己friend一齊入長洲又無熟人介紹就入去想食野之前就睇openrice既推介就見到寫允升甜品既食評都幾好!就打算入去食係長洲既三日兩夜食足呢間野三日第一日(星期五8/6)夜晚九點幾去食本身見到O.R.對呢間野既芒果糯米滋食評好高就想去食既點知去到個店員話如果你早少少黎都有所以就同朋友嗌左三個甜品芒果腸粉,朱古力雪糕涼粉同楊枝金露我就食左朱古力雪糕涼粉同芒果腸粉第一講下個朱古力雪糕涼粉上面個朱古力雪糕超級好食雪糕入面有啲朱古力粒粒成個雪糕既朱古力味亦十分濃郁但係配落涼粉到就麻麻因為本身涼粉無味食完雪糕個涼粉要落好多糖漿先釣返起成個甜品既味!第二講下個芒果腸粉本身無諗住嗌但朋友話好好食就嗌多個個人黎講個腸粉就普普通通的確佢芒果係十分足料但係個椰汁皮就無乜太特別而且佢切開既時間切得唔深搞到一舊舊食既時間成日掉左個芒果餡出黎!!整體覺得普普通通唔係話特別推介第二日(星期六9/6)因為知道長洲好多人同埋經驗前日去到無哂芒果糯米滋所以呢日就下午五點幾去食點知去到門口已經有兩班人排緊隊之後就嗌左5個白芒果糯米滋外賣食唔係好洗等就有得拎$8/一個芒果糯米滋佢有份紫同白(同價)問過店員有咩分別
又無熟人介紹就入去想食野
之前就睇openrice既推介
就見到寫允升甜品既食評都幾好!
就打算入去食
係長洲既三日兩夜食足呢間野三日
第一日(星期五8/6)
夜晚九點幾去食
本身見到O.R.對呢間野既芒果糯米滋食評好高就想去食既
點知去到
個店員話如果你早少少黎都有
所以就同朋友嗌左三個甜品
芒果腸粉,朱古力雪糕涼粉同楊枝金露
我就食左朱古力雪糕涼粉同芒果腸粉第一講下個朱古力雪糕涼粉
上面個朱古力雪糕超級好食
雪糕入面有啲朱古力粒粒
成個雪糕既朱古力味亦十分濃郁
但係配落涼粉到就麻麻
因為本身涼粉無味
食完雪糕
個涼粉要落好多糖漿先釣返起成個甜品既味!
第二講下個芒果腸粉
本身無諗住嗌
但朋友話好好食就嗌多個
個人黎講個腸粉就普普通通
的確佢芒果係十分足料
但係個椰汁皮就無乜太特別
而且佢切開既時間切得唔深
搞到一舊舊食既時間
成日掉左個芒果餡出黎!!
整體覺得普普通通
唔係話特別推介
第二日(星期六9/6)
因為知道長洲好多人同埋經驗前日去到無哂芒果糯米滋
所以呢日就下午五點幾去食
點知去到門口已經有兩班人排緊隊
之後就嗌左5個白芒果糯米滋外賣食
唔係好洗等就有得拎$8/一個芒果糯米滋
佢有份紫同白(同價)
問過店員有咩分別
原來只係紫糯米同白糯米既分別
*如果你地唔想等位食
最好一到門口見到好多人就入去店入面同店員講要幾個糯米滋
佢一做好手頭拎野比客就會立刻入盒比你
過程可能一兩分鐘就得*
拎到入campsite食一拎起個糯米滋就估到點解會咁多人推介
個糯米皮好軟熟
成個糯米滋起馬有八成都係芒果肉
你食既時候唔會覺得佢個皮好多粉
成個糯米滋配搭得好好
個果肉食落去會仲有少少芒果汁出黎
整體感覺一個字講哂-->>正
因為食完之後覺得太好食
所以決定左走個日要帶返去食
第三日(星期日10/6)
去到個到大約12點幾左右
由於游客未算好多
所以都唔係好需要排隊
於是就咁入去
我就嗌左4白4紫芒果糯米滋外賣
等左都係一兩分鐘就有
由於上次食左兩個都係白色今次就試左個紫色
我唔知係咪因為由長洲拎到返屋企兩個幾鐘個皮淋左既問題
定係紫色糯米滋既問題
我覺得個皮好似濕左少少
但係個芒果餡依然大大舊好好食
拎到返屋企比屋企人食
佢地就咁聽我話好大舊芒果肉都無咩反應
但一拎上手就立刻知道點解會令我咁推介
最後
我覺得如果大家要係長洲食甜品
允升既芒果糯米滋係必食既一個!
張貼
