大瀛喜日本料理 (已結業)

最近同姊妹去左試呢間放題，大家都中意食日本野，加上地點好方便，就係正朗豪坊對面，飯聚不妨可以考慮下首先可以叫的食物種類都好多，拎左其中幾張已經有好多好吸引既野食，。飲品種類都好多，有5-6款啤酒任選， 無酒精飲品都有好多款，汽水果汁好多都有。食物上得好快，魚生有冰座底，保持溫度魚生好新鮮，油脂分布平均，由其三文魚腩好值得推薦手卷大小正好一口一個，唔洗驚食完食唔落其他野！款式都好多，仲有NO.1人氣海膽手卷。炙燒壽司令我幾喜出望外，係姊妹推薦下第一次試食左口魚壽司，無腥味之餘仲入口即化，加上蔥花同淡淡既炙燒味道，令人一件接一件！三文魚腩壽司油花好足夠，又夠哂新鮮。炸物都有好多款，除左王道既蝦天婦羅，仲有炸鮮奶，一口紫薯天婦羅，有咸又有甜。食左咁多小食魚生，想食d更主食類既，仲有好多鍋物選，今次叫左鍋蟹粥，用料足，唔係得蟹腳。成晚最令我回味就係呢個炙燒蒜蓉芝士蝦，睇賣相就流哂口水。最後緊係唔少得甜品收尾，左起係意式奶凍，綠茶心太軟，泡芙，仲有馬卡龍等等！因為食物上枱速度快，所以入坐到離開絕對夠時間試哂所有食物種類！