The Stadium (已結業)

同朋友去食飯，朋友選擇左一間美食餐廳，我一入到去就發現人頭湧湧，佢除咗有嘢食之外，仲好似有好多唔同嘅位置俾唔同嘅人玩，例如有桌球枱。因為餐廳冇位，侍應帶咗我哋去個吧枱度飲陣野先，我叫咗一杯mocktail，個樣都幾靚，顏色層次都唔錯，不過味道就不過不失。至於主菜，我就叫咗耳朵粉，佢配料都幾多，可惜基本上都冇乜味，我食完其實都唔知自己食咗啲乜嘢。順帶一提，呢間餐廳真係好嘈，基本上如果傾偈嘅話係好難聽到人哋講乜嘢，當然如果鍾意熱鬧，鍾意玩嘅朋友應該都幾適合，但係我就冇下次喇。