少爺18 (已結業)

本來想去九龍城食明爐烏頭，但到葵芳已經六點幾，想到九龍城已是晚飯時間有排等就打消念頭。就係新都會覓食。見到少爺18都有明爐鱸魚，就入去試試。入到去環境唔錯，但有陣明顯既廚房魚腥味。每人$6茶錢，茶係玫瑰花茶，好香好飲，侍應服務都好。叫左明爐鱸魚，串燒同馬拉盞炒通菜。串燒（$68）：調味好味，燒得香，汁都特別，未至於令人驚艷，但都唔錯馬拉盞炒通菜（$68）：正常味道，無咩特別可挑剔既地方明爐鱸魚（$188）：上枱既時候，侍應會用一個好靚既茶壼將椰汁倒入爐中，睇落好吸引。魚面有一片片白色物體，分不出係琼左既椰漿還是豆腐（最後證實係豆腐）。食第一啖，同男友你眼望我眼兩人心有同感，懷疑究竟係味覺有問題定係廚師忘記調味，再食一啖，都係無味。個種無味法唔係淨係淡咁簡單，係真係零味道，連一粒鹽都無落，用水烚熟咁既味。都係唔信，直接飲一啖湯底，就係無糖椰汁比水，1：99咁既味道。忍唔住問侍應係咪有汁點唔記得左俾，對方回應話無。因為條魚都算大條，食多兩啖頂唔順，唯有問侍應拎豉油，豉油應該係新加坡海南雞個種好杰身既甜醬油。但係頂癮既係，連豉油都偏淡。咁多年黎出街食飯未食過任何一味餸係白烚上枱零味道，連汁都