十二鍋 (已結業)

今次去佐敦呢間台式餐廳 「十二鍋」，地點方便，佐敦地鐵站出口過條馬路就到。餐牌上有12款鍋物套餐選擇、還有小食和飲品選擇。如果覺得鍋物裡面啲餸唔夠食可以加錢另點食材。十二款鍋物套餐劃一收費 HKD115 (另設加一)，套餐包含一款鍋物、飯或粉絲、紅/綠茶。有選擇困難症嘅人可以要多啲時間諗食咩😂，由麻辣、番茄、養生藥膳、牛乳鍋都有。好處喺揀啱自己鍾意食嘅就得，一人一鍋夠衛生👍 每人一鍋上枱時店員先點火燒著個爐，一邊食嘅時候個湯係喺度滾吓滾吓，超正！▫️期間限定 - 今期嘅期間限定鍋物係「牛肉壽喜燒」。裡面有大量牛肉片及蔬菜，仲有金菇、蜂巢豆腐、冬菇、貢丸等食材。壽喜燒湯底鮮甜濃郁，當食材吸收了壽喜燒湯後更加惹味！▫️美肌鍋(牛乳) - 食物材料勁多，連養顏嘅花膠都有！點美肌鍋嘅原因係個湯底飲多啲都唔怕(因為係牛奶嘛），呢個鍋係跟韓國粉絲，所以唔需要揀飯或粉絲喇。想食清啲唔想湯底咁濃味嘅話呢個選擇唔錯。▫️現炸老油條 (HKD22) - 另外點嘅小食。油炸鬼真係炸到好脆口！不過就咁食會有啲硬，放落湯底淥一淥先食就啱啱好！⭐️只收現金