16 Shell (已結業)

謝霆鋒既十二道鋒味大家就睇得多，不過就冇機會食到。但位於天后既一間西餐係由謝霆鋒既助手開，聽聞部分菜色更由謝霆鋒親自教授，咁一定要黎試下啦。燈光比較暗，甚有情調。南瓜湯是日既西湯係南瓜湯，但我覺得質地唔夠濃稠，我都係鐘意有南瓜蓉口感既南瓜湯。香燒牛扒配白酒牛油蘑菇汁外層煎得帶有焦香既牛扒，入面仍然保持鮮嫩既口感，再加上鮮甜多汁既蘆荀，點上海鹽已經帶出牛扒既鮮味。Tiramisu甜品店員推介連謝霆鋒都讚好既Tiramisu，淡淡既咖啡香氣，浸過咖啡甜酒既蛋糕同香甜軟滑既忌簾，非常適合作為最後既菜色。不過甜品係餐牌未見到，如果加返就更完整。