新東記火鍋店 (已搬遷) 新店位置

天氣凍, 最適合打邊爐。我們揀了新東記來十下十下。朋友嗜辣, 我怕太辣。所以我們就揀了湯底雙拼, 一邊是四川麻辣窩$135, 另一邊是日本九州豬骨湯$80。以價錢高的一個湯底來收費，即是＄135。 自家製竹庶水$38很清甜，打邊爐必點來清熱。 鳳城水餃$75 每隻都很飽滿,皮薄餡靚,很多蝦肉。墨汁墨魚丸$55 很爽口彈牙。自製鮮蝦膠$78很有口感。千層凍豆腐$33 鬆化響鈴卷$48在湯底燙一燙即可食, 好味道。 唐生菜$42蘿蔔$32蘿蔔吸收了豬骨湯底的精華,很腍甜。 龍口粉絲＄33 日本黑豚肉$88 這個必點，很美味。 鮮嫩肥牛肉中肥$238肉味濃, 有嚼口。