酒常堯Grill & Chill

營業中

休息中

收工之後好想搵個靜靜地嘅地方食串燒，朋友仔就帶咗我嚟灣仔呢間都幾隱蔽嘅串燒店。呢度嘅入口都唔容易搵㗎，入到去裝修簡樸，都幾適合飲酒傾下計。呢度嘢飲同埋串燒嘅選擇都唔少，哈哈，好易又眼闊肚窄😂先食淮山，口感好正，酸酸嘅調味好開胃。銀杏鹹鹹地、甘甘地，都係唔錯嘅前菜。然後要咗好幾串雞嘅串燒：雞頸肉、雞皮、雞軟骨、雞腎等等，都燒得幾好食，夠味又乾身👍 雞皮尤其推介！送酒一流！呢度仲有邪惡嘅鵝肝，大大嚿，好味😋呢度都有各式海鮮，不過我哋淨係食咗燒鰻魚。最後食埋個飯團就已經好飽啦。下次同朋友想摸吓酒杯底可以再嚟呢度。