影片
更多
2016-12-02
211 瀏覽
經歷過一個早上的地獄會議，真係需要食吓好西去平衡一下心理，食慣好野的同事好知訂，帶我來到佐郭呢條旺中帶靜的長樂街，讓我第一次見識一下日式燒肉的美味。之前都有經過，以為係一般日本料理。但係今天因為我哋極需要美食的慰藉，便毫不猶豫地點了一般人看來比較豐盛的日式燒肉作午飯。之前對日式燒肉沒有什麼概念，以為就是好像韓式燒烤咁，只係啲肉冇加咁多調味。但今次的燒肉體驗真係可以話係令我對日式燒肉另眼相看，調味已經變得不重要了，因為日式燒肉的靈魂在於肉的本身，選用什麼質素的肉已經主宰了燒肉的味道。一名係唔知老闆定係經理的靚仔向我哋坦白解釋，肉的成本係高，但為了讓日式燒肉可以藉着和匠普及一點，亦不介意用比較大眾化的價錢比食客享受高品質的牛肉。或者文字寫的都很有限，於是我想用照片協助表達，我們點了的牛肉是Prime 牛，用料高級不在話下，好的用料，也要配合對材料的處理方法才可以將食料的美味完全發揮出來。最令人驚喜的是他的定位價錢定位只是二/三百蚊，以這樣的價錢食到這樣質素的燒肉，其實性價比超高（簡直覺得係自己賺咗佢）。相片可以睇得出肉色好鮮，而圖片係沒有經過加工的，我覺得張相其實係影得唔夠實物咁靚，脂肪同
經歷過一個早上的地獄會議，真係需要食吓好西去平衡一下心理，食慣好野的同事好知訂，帶我來到佐郭呢條旺中帶靜的長樂街，讓我第一次見識一下日式燒肉的美味。之前都有經過，以為係一般日本料理。但係今天因為我哋極需要美食的慰藉，便毫不猶豫地點了一般人看來比較豐盛的日式燒肉作午飯。之前對日式燒肉沒有什麼概念，以為就是好像韓式燒烤咁，只係啲肉冇加咁多調味。但今次的燒肉體驗真係可以話係令我對日式燒肉另眼相看，調味已經變得不重要了，因為日式燒肉的靈魂在於肉的本身，選用什麼質素的肉已經主宰了燒肉的味道。
一名係唔知老闆定係經理的靚仔向我哋坦白解釋，肉的成本係高，但為了讓日式燒肉可以藉着和匠普及一點，亦不介意用比較大眾化的價錢比食客享受高品質的牛肉。
或者文字寫的都很有限，於是我想用照片協助表達，我們點了的牛肉是Prime 牛，用料高級不在話下，好的用料，也要配合對材料的處理方法才可以將食料的美味完全發揮出來。最令人驚喜的是他的定位價錢定位只是二/三百蚊，以這樣的價錢食到這樣質素的燒肉，其實性價比超高（簡直覺得係自己賺咗佢）。相片可以睇得出肉色好鮮，而圖片係沒有經過加工的，我覺得張相其實係影得唔夠實物咁靚，脂肪同如網狀的分布，將佢放上燒熱了的爐﹐牛脂馬上被高温熔化，散發的香味令人垂涎三尺，急不及待想把這塊鮮肉放到口裏去。等到一邊熟了，靚仔向我哋提示可以轉了，期間佢係幫我地搞多過我地自己動手，真係有勞佢。
食入口，prime牛的香味充滿了整個口腔，而少肥又不膩，少少油脂混着彈牙的牛肉，就算係吞了入肚，都齒頰留香。餐廳為我地準備了三種點醬，有沙律醬，醋，同經佢地自家調配的醬汁，我覺得個醋係幾特別，牛肉的香濃遇了醋汁的清酸，這個反差更令牛的鮮香被提升出來。
和牛我哋當然知道好好味啦，和牛脷簡直係人間極品！厚身的和牛脷在燒爐上傳來陣陣肉香，燒好之後見到面前咁肥厚咁珍貴的極品，有少少唔拾得食，但一口咬下去，那種感覺令人難以忘懷，和牛脷十分軟身，肉質極度軟滑，係我食過最好食的牛舌。
冇諗過燒蝦原來可以咁香，蝦殼燒得焦焦地，有種獨有的味道，香味傳入鼻子~ 好想佢快D熟，
而且燒完之後，本來以為咁燒法會令蝦肉失了好多水份，從而肉質變得好乾，但可能因為有蝦殼的保護，肉質仲可以保持得好爽，鮮味依然濃郁！
最後燒帆立貝，令人好感動，大大隻伏在貝殼上的貝肉被燒熱中（睇住貝殼裏頭啲水燒到起晒泡咁好有趣），但佢一點都不孤單，因為在佢之上仲有一大堆蒜和一大粒牛油與他同生共死。當然入口之後蒜香加上貝肉自己的鮮味已經是個很好的配搭，仲有牛油佢地錦上添花。我地對呢頓午餐十分滿意，希望多啲人會來幫襯和匠，感受到佢地對食物的執着與熱誠。
匠心無二會不會等於中文裏的匠心獨運？如果他們取名和匠是和食的工匠，我覺得很貼題。
張貼
