The Big Bite (已搬遷) 新店位置

因為睇咗飲食雜誌介紹同埋睇咗呢度嘅食評之後,就決定尋日去呢度試一試!一入到間舖已FEEL到強烈嘅油煙味,不過心諗如果食到好嘢都無所謂啦!睇咗MENU一陣之後,兩個人ORDER咗:CHEESE BURGER脆煙肉漢堡燒汁芝士薯條+ICED TEA墨西哥芝士薯條+ DIET PEISI水牛城雞翼(小辣)大約等咗15分鐘左右就有得食喇!嘩~D BUTGER真係好大個喎!一咬落去就發現塊牛肉有肉香而且都好JUICY,一路食D肉汁就一路滴~D配菜都幾好, 夠新鮮!而煙肉就普普通通啦!不過最唔得就係個包啦!雖然都夠軟身,但就完全唔夠熱, 明顯係烘得唔夠!個BURGER真係太高, 我每咬一啖都要擘到個口最大先勉強食到,所以真係食到我牙較軟,估唔到食個飽都會食到"支力"!另外嗰兩款薯條同雞翼都令我地好失望!先講薯條,一來D汁太多、太稀身;二來分量少;三來炸得唔夠脆, 根本唔夠熱!我好少會食剩薯條, 但今次兩兜份量咁細我都各食剩1/3,可想而知有幾好食!至於雞翼,個味道真係好一般,不過最恐怖都係隻隻雞翼都有頗多雞毛~我飲DIET PEISI當然問題不大啦!但我BF杯ICED TEA,佢就話好難飲喇!總括