海街丼 (北角匯二期)

營業中

休息中

北角匯新海街丼，終於可以試一試。店舖氣氛好好，好似去左海鮮街，見到有靚靚卡位。晚上7 點到已經好快坐滿！刺身三點：池魚/油甘魚/帆立貝 各三件。刺身好出色（日本空運到港；日日會供應唔同魚，今日就冇晒赤身吞拿魚啦！）大大粒帆立貝非常肥美鮮甜！池魚刺身厚實晶瑩有口感；油甘魚肥美油脂感新鮮！鹿兒島A4黑毛和牛丼和牛燒得岩岩好，入口融化而油脂感十足；配上甜甜既洋蔥汁，味道非常夾同時又極好送飯！仲配有炸牛蒡同我最喜愛既火箭菜，非常開胃。