影片
更多
2023-08-16
3334 瀏覽
女友小熊又要落北角出差，問我今晚 dinner 有咩意見，上次就入咗大坑食越南菜，今次想食炸雞，係模糊記憶中，英皇道好似有間青綠色門面嘅炸雞店，於是約小熊落去開餐.第一次去幫襯，於是先上 open 睇睇份 Menu 有咩好嘢食，嘩! 點知負評比好評多! 即時想轉呔轉場，第二選擇係 Five Guys! 但係上網睇睇 Five Guys 份 Menu 都無炸雞，於是抱住先苦後甜心態，先食德克士，第二日去 Five Guys 嘅心態去食德克士.又話等好耐，又話D雞腥，雞唔熱，普通話國語，服務差，負評一大堆! "咪聽人講，自己去親身求証!" 係自己其中一個做人道理，於是就去試試睇佢有幾差! 睇吓佢差唔差得過土瓜灣王阿瑪!點咗最出名嘅卡滋脆皮手槍腿餐，飲綠翡翠青檸，朱古力新地，藤椒風味雞腿塊.小熊點咗芝士鐵板嫩煎雞腿堡套餐.優點:1, 先講講環境，店舖唔算闊落，冷氣明顯不足，其中一部冷氣無開，我就專登走去叫佢開冷氣，睇吓佢會唔會黑臉服務差，又無喎! 肯開無西臉喎! 而且由開冷氣至落單，唔係普通話喎! 我講白話喎!2, 卡滋脆皮手槍腿即係炸雞脾，首先份量足! 唔似得 KFC 不停偷工減料! 味道
第一次去幫襯，於是先上 open 睇睇份 Menu 有咩好嘢食，嘩! 點知負評比好評多! 即時想轉呔轉場，第二選擇係 Five Guys! 但係上網睇睇 Five Guys 份 Menu 都無炸雞，於是抱住先苦後甜心態，先食德克士，第二日去 Five Guys 嘅心態去食德克士.
又話等好耐，又話D雞腥，雞唔熱，普通話國語，服務差，負評一大堆! "咪聽人講，自己去親身求証!" 係自己其中一個做人道理，於是就去試試睇佢有幾差! 睇吓佢差唔差得過土瓜灣王阿瑪!
點咗最出名嘅卡滋脆皮手槍腿餐，飲綠翡翠青檸，朱古力新地，藤椒風味雞腿塊.
小熊點咗芝士鐵板嫩煎雞腿堡套餐.
優點:
1, 先講講環境，店舖唔算闊落，冷氣明顯不足，其中一部冷氣無開，我就專登走去叫佢開冷氣，睇吓佢會唔會黑臉服務差，又無喎! 肯開無西臉喎! 而且由開冷氣至落單，唔係普通話喎! 我講白話喎!
2, 卡滋脆皮手槍腿即係炸雞脾，首先份量足! 唔似得 KFC 不停偷工減料! 味道無 KFC 咁鹹到嘔，皮脆肉嫩 Juicy 又熱無腥味! 我撕開一半比小熊食，熱到辣手㗎!
3, 薯條比老麥粗!
4, 藤椒雞同樣皮脆肉嫩，只不過比我想像中辣，食咗兩三啖就轉俾小熊食，小熊仲笑我話一D都唔辣，佢自己把口辣，食咩都唔辣㗎啦! 超!
5, 芝士鐵板雞包亦滿意，都係肉嫩又熱.
6, 等咗都無十分鐘就有得食，當時客人有十個八個，速度正常囉.....
7, 價錢唔算貴.
缺點:
1, 一入門，就聽到餐廳唔知播D咩歌，炒耳! 一係播D輕快D嘅歌，一係細聲D囉唔該!
2, 相比起雞脾，其實我更中意雞全翼，但 Menu 無雞全翼提供，連雞中翼都只有辣味! 我唔食辣選擇變少.
3, 朱古力新地奶味較重，我唔受得奶味.
4, 雞就夠哂熱，薯條就唔夠熱喇!
另外一個奇景，親眼見到後面果圍枱，有個女人食碗仔翅物体，而對面枱客食杯麵添! 咁你話，係餐廳質素差定客人差？
今次幫襯好好運，遇唔到D大問題，今次用餐經歷滿意，服務絕對好過土瓜灣王阿瑪萬倍! 希望下次同樣滿意!
張貼
