影片
更多
2008-11-26
35 瀏覽
因為要上「開飯喇！」攞船飛，山長水遠過到嚟北角，梗係順便搵啲嘢食吓啦！正想去搵間茶記坐低嘆杯鴛鴦食個早餐之際，又見到呢間連蔡瀾都要同倪匡嚟食嘅雞蛋仔，門口已經有條人龍，不過都唔夠我上次見到即走嗰條咁長，心諗橫豎唔趕就排吓啦！等咗成二十分鐘，終於到我嘞！先比錢，然後阿姐將雞蛋仔放入個打咗窿嘅紙袋入面，啲窿用嚟疏氣，等啲雞蛋仔唔會稔晒，又幾有諗頭喎！ 搣一粒試吓，雞蛋仔邊沿位極脆而蛋味濃郁，不過好似仲有啲雲呢嗱油味，有啲失真！裡面好明顯有兩邊，一邊空心薄脆，一邊熱辣鬆軟，不過我偏愛兩邊都軟綿綿嗰種，所以係唔係我杯茶！惟一要讚嘅係佢食到凍晒都仍然係好香脆！其他嘅我就覺得冇乜特別嘞，亦食唔出十二蚊嘅價錢值喺邊度，所以都係試過就算嘞！
因為要上「開飯喇！」攞船飛，山長水遠過到嚟北角，梗係順便搵啲嘢食吓啦！正想去搵間茶記坐低嘆杯鴛鴦食個早餐之際，又見到呢間連蔡瀾都要同倪匡嚟食嘅雞蛋仔，門口已經有條人龍，不過都唔夠我上次見到即走嗰條咁長，心諗橫豎唔趕就排吓啦！
等咗成二十分鐘，終於到我嘞！先比錢，然後阿姐將雞蛋仔放入個打咗窿嘅紙袋入面，啲窿用嚟疏氣，等啲雞蛋仔唔會稔晒，又幾有諗頭喎！ 搣一粒試吓，雞蛋仔邊沿位極脆而蛋味濃郁，不過好似仲有啲雲呢嗱油味，有啲失真！裡面好明顯有兩邊，一邊空心薄脆，一邊熱辣鬆軟，不過我偏愛兩邊都軟綿綿嗰種，所以係唔係我杯茶！惟一要讚嘅係佢食到凍晒都仍然係好香脆！其他嘅我就覺得冇乜特別嘞，亦食唔出十二蚊嘅價錢值喺邊度，所以都係試過就算嘞！
張貼
