北角煮飯仔 (已結業)

下晝黎開北角附近聽講座，聽完之後就順道喺呢度附近買啲外賣返屋企食。見到呢一間舖頭叫做北角煮飯仔，個名非常得意，而且keep住都有人過嚟買，所以就決定咗揀佢嚟試下。～～～餐廳入邊有好多嘢食，由點心到雙餸飯、三餸飯或者經餸、餐前小食、小菜、到會等等都應有盡有。而且係二十四小時營業，對於住呢度附近嘅人黎講確係幾方便。～～～最後我同大舊就叫咗醬青瓜、麻辣豬耳、梅菜蒸肉餅、山竹牛肉球、芋頭排骨、蘿蔔炆牛腩、椰菜回鍋肉、炒三絲、苦瓜炒豬大腸等等。全部野食價錢都好平，完全係街坊價。～～～麻辣豬耳爽口彈牙、香香辣辣，醬青瓜非常入味。梅菜蒸肉餅同山竹牛肉球都肉質扎實，芋頭排骨香香濃濃，芋頭入口即化。苦瓜炒豬大腸亦係味道好到位，瓜夠腍，豬大腸唔會好難咬。～～～炒三絲味道啱啱好，好下飯，回鍋肉亦係非常彈牙可口。另外阿姐話蘿蔔炆牛腩嘅牛腩無曬，所以蘿蔔送埋比我，超級nice!!～～～整體黎講，餐廳兩位啊姐態度都非常有禮貌，而食物嘅質素亦很不錯，係可以encore嘅高質抵食煮家外賣餐廳。～～～推薦度：🔥🔥🔥🔥🔥🔥🔥🔥