北角煮飯仔 (已結業)

🍚嘩，講真，今日試咗北角煮飯仔，真係少少出乎意料咁掂啊！就係忽然間好想同大家嗌，話佢哋嘅飯超級掂！酸辣湯夠哂kick，飲落暖笠笠，就連平時可能會有啲乾嘅滷水雞肶都做到腍滑又惹味。嗰啲茄子啊，唔油膩又香口，完全冇得彈。甜酸魚塊個汁香甜得嚟唔膩，真係搞到我食咗好幾碟，個人超鍾意！四季豆拌過嚟清新爽口，又夠份量，豉油王炒個鍋香氣撲鼻，真係食到停唔到口！即使係平凡嘅苦瓜炒蛋，都做到得嚟清新，又唔會苦，好適合唔太鐘意苦嘅朋友。至於麻婆豆腐嘛，咩都好，不過我就覺得應該要有啲肉碎會更正！走過路過，唔試就真係損失大啦！跟朋友仔一齊嘆完呢頓，成班人都讚口不絕，諗住下次要試埋其他菜式。咁多款選擇，真係一餐食唔晒，下次再嚟啦！👍😋

佢個炸子雞係完全冇雞咁，得粉同埋辣椒。。。。懷疑佢粉扮雞。。。。唔應該叫辣子雞，應該叫「辣椒炸粉」。。。。魚香茄子非常油。。。好似落咗10斤油咁。。。。所以應該「茄子撈油」。。。。仲有叫咗個唔知咩餸，淨係覺得好鹹。。。。。最後態度非常差，企咗喺度排隊幾分鐘都被無視，淨係理後邊嗰啲人(咁使鬼排隊咩？？？）。。幫襯佢仲要受氣。。。 其他北角兩餸飯好味過佢好多。。。。價錢又差唔多。。一定唔會再幫襯。。。。。

叫左一個三餸飯，選擇分別係回鍋肉、紅燒豆腐、麻婆豆腐，阿姐依照以上次序勺餸落我個飯，勺餸俾我之前，佢事先話事「你要多飯呀？」，眼見飯既分量特多滿滿佔6.5/10，佢就隨即勺餸俾我，第一個餸佢只勺了分量少之又少既幾片菜，簡直好似食剩既餸尾咁，我立即問「唔係咁少呀嘛？」，阿姐話「$8一個餸你想點呀？」，我叫阿姐俾多少少我，先真係俾多‘’少少‘’我，第二個餸更加唔洗問，都係得幾片紅燒豆腐（3-4片），我已經費是同阿姐嘈，只有最後的麻婆豆腐分量是能夠接受。回到家發現回鍋肉係得幾片菜同兩片無肉食既肥豬肉薄片，味道是好的，可惜除左飯係熱之外（買既時候見到飯有熱到出煙），其他餸係凍的。以下相片係因為我好肚餓食咗啲先影，啲餸是我翻開擺放，僅供參考。返到屋企醫完肚之後之後真係成肚氣，翻查OpenRice食評，跟之前的評價大相逕庭，未知是否相隔接近一年及因為通帳關係。個湯我唔建議加，其實如果用心做的話，唔需要用咁既價錢吸引食客，料俾足的話，食客$4x兩個餸飯都肯俾。最後要重申，飯既分量俾足多多大份既你，飯既分量可以令你覺得飽肚，可惜啲餸既分量分配少之又少由阿姐話事。原本都無諗住寫食評，可惜實在忍唔住（不只

🍚呢間北角煮飯仔原來廿四小時，佐酒小菜、公司都會、麻辣水煮雞煲、糖水都有。我今日去到嘅時候，係下午四點半，啱啱係佢哋晚餐餸菜出爐嘅時間，見到款款都熱騰騰😍好吸引！一於叫媽咪今晚唔使煮😆我揀咗咖喱雞、辣子雞丁薯仔、魚香茄子炒雞柳和涼瓜炒豆卜肉片呢度嘅姨姨態度好好😊介紹邊款啱啱新鮮出爐，同我講邊款評價好高😆，仲問我住邊，知道我攞得比較遠， 就即刻幫我 將飯和餸分開，佢話咁樣唔會淋晒，真係好細心呀！媽咪仲讚啲餸好有住家風味添👍支持香港小店✨✨

之前喺北角見到呢間餐廳專做餸飯，餐廳，有點心、餐前小食、小菜都有。今日咁啱太忙，懶得煮dinner，經過呢頭，就喺度買外賣返屋企😃就咁睇有成10款小菜以上，我買咗冬菇蒸肉餅、菜圃蛋、魚香茄子、黑椒炒雞柳、炸辣子雞，咁多款餸，都只係$100左右，CP值非常高真係買返嚟煮，都唔止呢個價錢，而且款款味道都唔錯，返嚟加熱下，就食得，仲好好送飯！肉餅真係要特別encore，啲肉好紮實，有冬菇同埋馬蹄夾係中間， 非常足料👍

疫情關係冇得去堂食，兩個人唔知食乜好，我喺北角見到依間外賣舖頭兩餸飯幾抵食，就叫咗四個餸返去食。蒸肉餅，個蒸肉餅真係大件夾抵食，好口好多肉，都幾彈牙，唔會好份，只係啱啱蒸出嚟嘅感覺，真係幾好食，幾抵食。南瓜排骨，南瓜好多，整到好淋，撈飯一流。排骨都好多，食落唔係比鬆肉粉那到爛晒嘅排骨，幾有heart。涼瓜豬大腸，個涼瓜苦得黎好好食，又有啲豆豉喺上邊，兩件事加埋真係好夾，豬太腸又唔係話太肥，好夠味好入味，又唔係太油，唔錯。蕃茄炒蛋，啲蛋好多好滑，仲甜甜地，有好勁嘅蕃茄味，分量多得好緊要，好抵食。椒鹽豬軟骨，真係炸得啱啱好，金黃色，咬落好脆，椒鹽味都好夠勁，又唔會太細粒，所以幾有咬口，食落去啱啱好，送飯又係唔錯嘅。

假日來到人氣的北角匯，疫情下依舊多人，而這裡的新商場有不少食肆進駐。晚上因着政府的抗疫措施沒有堂食，於是走到附近的內街搵食。揀了一家街坊小店吃外賣。其實食物種類也好豐富，酸辣粉，鹽酥雞，雞髀，點心都有，又有街坊至愛嘅兩餸飯，經濟又實惠。菜肉煎包包都幾軟熟，咬開菜肉餡有肉汁。酸辣粉酸酸辣辣的味道開胃好吃，紅薯粉入口軟滑而煙韌，加埋粒粒花生，令人食唔停口。牛肉球牛肉球大大粒，彈牙口感又足料。手抓餅有咬口，香脆而不膩。鹽酥雞份量多都幾抵食，香脆熱辣辣，自己食開重口味鐘意再咸d。脆香雞翼全翼炸得夠火候，香脆惹味，童年的味道番晒嚟。

北角煮飯仔係一間平價外賣小店，主打住家菜同多款小食，兩餸飯$32仲送湯或冷熱飲品，小食大部份都係十幾蚊有交易，行過見倒幾抵食，反正今晚冇飯開就試下。雖然話係外賣店，不過煮飯仔旁邊都有幾個立食位，方便想趁熱食嘅食客食完先走。住家餸大約有十款揀，有肉有菜，無論係素食者或者係食肉獸都啱。酸辣湯($12) - 酸辣湯杰度啱啱好，熱辣辣最啱近排凍冰冰嘅天氣，入面有好多木耳絲好爽口，酸酸辣辣好惹味。重慶酸辣粉($15) - 酸辣粉比酸辣湯酸啲，非常開胃，紅薯粉外賣浸過但都好Q彈。糯米雞($15) - 糯米雞好大隻，大約等於平時茶樓兩隻，雖然唔係好多料，但勝在飽肚又抵食。醬青瓜($16) - 雖然裝青瓜個外賣盒唔大，但估唔到裡面塞滿晒青瓜，其實都幾多。青瓜好爽脆，加埋啲醋汁好開胃。炸薯條($12) - 薯條係波浪粗薯，外賣返到黎已經唔脆，不過幾多肉亦唔會過鹹。椒鹽雞軟骨($20) - 雞軟骨椒鹽味都可以，不過始終外賣影響脆度，即場食啱啲。脆香雞翼($22) - 雞翼外賣返到黎都仲有少少脆，$22有四隻雞中翼連雞翼尖，都幾抵食。凍鴛鴦 ＆ 凍咖啡 - 雖然係外賣小店，但估唔到佢地自己沖嘅凍鴦同凍啡唔差

2020年12月25日 星期五“We wish you a Merry Christmasand a Happy New Year”疫情關係好多人嘅生活都被打亂，就算到聖誕節街邊嘅氣氛都好似唔係咁好，不過我相信只要每個人都齊心對抗病毒，疫情終有一日會完結，而到聖誕節呢一日我同老婆就只係邀請幾個親戚上黎屋企打下機、食個飯由於依家夜晚禁止堂食，所以唯有要買外賣。返屋企之前，我哋就係北角行緊街，之後見到有呢一間賣小菜既舖頭，俾裡面菜式嘅氣味吸引左埋去裡面有各式各樣既小菜，睇落去好吸引，無論肉類或者蔬菜都應有盡有，價錢仲要好貼地，於是我哋就要左大約七至八個小菜拎返屋企慢慢嘆，來一個中式既Christmas party返到屋企打開小菜嘅時候仲係熱辣辣，完全唔需要翻熱，每一個小菜份量都好大，成個膠盒都裝到差不多滿，左下角嘅係南瓜蒸排骨，每一舊排骨都好腍，一咬落去已經骨肉分離，而南瓜就煮得更加腍，加上入晒味，用嚟撈飯一流右手邊嘅係蕃茄炒蛋，超級多蛋，而且十分滑溜，至於蕃茄係切成一粒粒，方便入口另外仲有梅菜蒸肉餅，肉餅蒸得好腍，啱晒小朋友同老人家食用，而且梅菜味好突出上面嘅係豉椒苦瓜炒魚柳，苦瓜一啲都

抵食住家菜，外賣晚餐回家，下班後已經外賣晚餐回家，下班後已經晚了，再買菜回家煮的話也太累，那就直接買外賣吧。食物選擇多元化，有點心、小食、炸物、酸辣粉、家常餸菜配白飯、小炒等等，價錢都是數十元不等。原本打算只是買些餸菜，但是被那些邪惡的炸物吸引著，炸物新鮮即炸，從油鑊撈起，炸至金黃色剛好，十分香口。點了幾款炸物，如炸燒賣、椒鹽雞軟骨、台式雞扒，偶爾放縱一下吧。三餸飯家裡有白飯，所以淨買餸菜回去就行了。不過可能已經晚了，選擇沒有太多，而且剩下的份量不太多。餸菜整體份量都蠻多，放滿整個外賣盒子。酸菜炒豬大腸，份量平均，兩者都很多。酸菜夠酸，而且帶點辣味，大腸煙煙韌韌，很有嚼勁。另外還有津白豆卜炒粉絲及蕃茄炒蛋，家常小菜系列，濕濕潤潤的，兩者都是下飯菜之選。

兩餸飯北角煮飯仔北角馬寶道54號華禮商場地下G17-18號舖Tel 64142589每晚都要買飯盒，中式盒飯會係方便好味首選，始終由細到大食慣廣東菜，晚上吃到熱飯同菜會好幸福買了兩盒餸先百幾蚊。$32 一個餸，天氣凍拿回家都冷掉了，要用微波爐加熱返。要了炒雞柳，個汁都偏向濃味同鹹，所以配白飯會好開胃，令人食多左飯。翠玉瓜魚塊味道比較濃架，魚塊卜了粉炸香，大盒抵食，個汁又係超惹味好下飯個蒸肉餅好腍架，好綿好好食呀，估唔到呢個味道最適中。

近來留家抗疫，大部份時間都在住處附近買外賣，為保持新鮮感，得積極發掘新口味。是日跑步途經馬寶道，發現一家小食店【北角煮飯仔】，主打「大件夾抵食」的$32雙餸飯。餸菜款式日日不同，每天約有十二、三道菜可選，還奉送例湯或冷熱飲品，非常超值，亦可買淨餸回家加料。小店還供應多款港式點心及台式炸物，連涼拌菜和重慶酸辣粉也有，選擇相當多元化。點了"台式雞扒"及"鹽酥雞"，2款小食即叫即炸，粉漿薄薄一層，難得是不會油淋淋，內裡雞肉仍保持軟嫰。雞扒切成小塊，方便食用，鹽酥雞惹味但不會過鹹，未開飯已忍不住吃了大半。雙餸飯選了"菠蘿咕嚕肉"及"青瓜炒肉片"，咕嚕肉酸酸甜甜，加上大量洋蔥及青椒，非常開胃。青瓜肉片顏色吸引，爽脆青瓜配上軟腍肉片，營養倒也很均衡。 另買了"蕃茄炒蛋"、"麻婆豆腐"、"梅菜蒸肉餅"、"椰汁芋頭燜排骨"加餸。 其中芋頭排骨帶香濃椰汁味，芋頭燜得軟糯，吃下鬆化粉香，拌飯吃非常滋味，極為推薦。見"重慶酸辣粉"只售$15，價格便宜，就買來試試。酸辣粉比想像中大，湯底辣勁十足。酸辣粉色澤晶瑩剔透，富有嚼勁，加上大量香脆花生及豆角粒，口感甚佳，屬超值飽肚良品。

下晝黎開北角附近聽講座，聽完之後就順道喺呢度附近買啲外賣返屋企食。見到呢一間舖頭叫做北角煮飯仔，個名非常得意，而且keep住都有人過嚟買，所以就決定咗揀佢嚟試下。～～～餐廳入邊有好多嘢食，由點心到雙餸飯、三餸飯或者經餸、餐前小食、小菜、到會等等都應有盡有。而且係二十四小時營業，對於住呢度附近嘅人黎講確係幾方便。～～～最後我同大舊就叫咗醬青瓜、麻辣豬耳、梅菜蒸肉餅、山竹牛肉球、芋頭排骨、蘿蔔炆牛腩、椰菜回鍋肉、炒三絲、苦瓜炒豬大腸等等。全部野食價錢都好平，完全係街坊價。～～～麻辣豬耳爽口彈牙、香香辣辣，醬青瓜非常入味。梅菜蒸肉餅同山竹牛肉球都肉質扎實，芋頭排骨香香濃濃，芋頭入口即化。苦瓜炒豬大腸亦係味道好到位，瓜夠腍，豬大腸唔會好難咬。～～～炒三絲味道啱啱好，好下飯，回鍋肉亦係非常彈牙可口。另外阿姐話蘿蔔炆牛腩嘅牛腩無曬，所以蘿蔔送埋比我，超級nice!!～～～整體黎講，餐廳兩位啊姐態度都非常有禮貌，而食物嘅質素亦很不錯，係可以encore嘅高質抵食煮家外賣餐廳。～～～推薦度：🔥🔥🔥🔥🔥🔥🔥🔥

聖誕假唔食西式、唔打邊爐，其實都可以食中式既，今次就同屋企人係屋企附近叫外賣餸食!首先點左冷盤麻辣豬耳同泡淑鳳爪,好耐冇食過啦!豬耳好爽脆，鳳爪花椒八角味濃，超級刺激味蕾，凍凍地有時就係想食辣野,但真係食得辣先好點呀!叫餸既話都有十幾款嫁，炒辣雞好惹味，梅菜肉餅同南瓜排骨既肉都整得好冧，送飯一流!菜就叫左苦瓜班腩同炒四季豆，班腩炸得好味，四季豆好香好脆口!我去叫外賣個陣都有好多人排隊，應該幾受街坊歡迎!而且有少少堂食位置，非常方便，成間舖麻雀雖小，但五臟俱全!臨走見到佢有到會服務嫁!電話:64142589 下次可以再一試，我覺得佢煮既食物都幾有家的味道，而且炒野同辣野應該係呢間店最擅長同特色黎!同埋價錢真係唔貴!抵食!

今日去北角行山，之後落春秧街買餸。途經馬寶道，見到有間叫「北角煮飯仔」嘅熟食店 ， 櫥窗入面放滿了一盤盤餸菜，原來店舖主要賣雙餸飯， 另外亦有淨餸、點心、小食、台式炸物等供應。見啲餸菜款式都幾多，而且價錢亦非常經濟，幾十蚊已經有交易，一於買幾款返屋企，唔使洗洗切切，乾手淨腳，好過自己煮。揀咗兩個雙拼餸、台式雞扒、鹽酥雞，仲有是日靚湯。台式雞扒同鹽酥雞，大大盒，每款都只係 $20，十分抵食。雞扒非常大塊，比手掌還要長，雖然扐到返屋企先至食，但外皮仍然有點脆口，調味粉亦夠曬香濃。鹽酥雞食味亦不俗，雞肉嫩口不柴。兩款雙拼餸，分別為：馬蹄蒸肉餅、香煎雜魚、咕嚕魚塊、涼瓜牛肉。平日自己喺屋企都鍾意整下鹹蛋蒸肉餅或者梅菜蒸肉餅，呢度嘅肉餅落咗馬蹄更正，食落爽滑又唔會嚡口。香煎雜魚：留家抗疫自己煮，間唔中都會用雜魚煲魚湯，但原來用豉油封煎一樣咁好味，不過就要小心食，因為有啲細骨。咕嚕魚塊：魚塊外層炸得頗香脆，裡面嘅魚肉好厚身，入口酸酸甜甜，配料有菠蘿、蕃茄同青椒，用嚟拌飯吃一流！另外個涼瓜牛肉，味道亦很不錯，涼瓜入口甘而不澀，牛肉炒得鮮嫩入味。食完飯飲埋個靚湯，是日靚湯為：合掌瓜湯，睇下幾足料，湯水