Abbraccio

炮台山站或者北角站行過嚟都幾方便，裝修有意式溫馨感，坐得勁舒服。本身見到餐牌驚嗌兩個套餐太飽，好奇問吓職員可唔可以淨係嗌一個套餐，原來都可以㗎喎！其實個份量都真係夠兩個人食，咩都可以試啲勁開心。開餐之前仲有餐包，都幾驚喜，餐包一啲都唔乾身，而且外脆內軟，都幾想encore。‣ 四道菜晚市套餐 $498· 意式薄切八爪魚冷盤 ＋$58八爪魚切得薄薄哋，望落已經幾吸引。食落去口感爽彈，配埋橄欖油同檸檬汁，清新開胃。八爪魚本身冇腥味，反而仲有少少海水鮮味。· 自製安格斯牛肉丸意大利麵見到頭盤有得嗌肉丸已經有啲心動，所以決定一石二鳥嗌個牛肉肉丸意大利麵。牛肉丸大大粒，肉汁豐富，香草味同蕃茄醬融合得啱啱好。意粉煮得al dente，唔會過腍，掛汁力強，我自己覺得口味都偏重，但係我鍾意濃郁嘅蕃茄醬味。· 西冷牛扒用鐵板上真係冇得輸，外脆內嫩，肉味濃郁，塊肉上面啲肥膏俾鐵板煎煎真係香到爆炸，食落去juicy又唔嚡口。牛扒本身已經夠味，不過我自己都幾鍾意佢嘅香草醬。· 經典提拉米蘇比想像中好食，tiramisu層次分明，忌廉滑溜，咖啡酒香濃郁，我覺得濕潤度啱啱好。帶少少可可粉嘅微苦，甜度啱啱好，兩個人