順治特色卜卜蜆鍋
滾煮後，蜆嘅“卜卜”聲超療癒，湯底係大廚每日新鮮熬煮，飲落好清甜，啖啖都係鮮味～
🐔 康熙花膠雞湯鍋
如果你鍾意濃郁啲又健康嘅湯底，呢個「花膠雞湯鍋」一定岩～雞湯好滑、花膠超厚實，成個湯底都帶住膠質感，好飲到唔想停！超適合女生，養顏補身之餘又唔膩，店內好多人叫。
🥩 手切本地牛肉 × 北海道牛奶浴
呢個真係全場焦點～手切牛肉浸一浸北海道牛奶再落鍋，口感軟嫩得嚟又有微微奶香，啖啖都好順滑。牛肉浸完奶落鍋，好似貴妃出浴咁，視覺效果好正
黃金響鈴配秘製鹹蛋黃醬亦有驚喜，鹹香中帶酥，好邪惡但過癮！
手打珍珠帶子墨魚丸 & 手工餃子系列
佢哋啲丸同餃子全部係每日新鮮手打、手包，食得出啲料好足～
帶子墨魚丸超彈牙、新鮮菜苗帶子餃同鳳尾鮮蝦餃都好足料，前者有麻油香氣，後者非常彈牙。
足料竹蔗茅根
清甜解膩，好舒服。
五色拼盤
即係蔬菜拼盤，裡面有淮山、馬鈴薯、冬瓜、蓮藕、番茄，食材新鮮，色彩好繽紛，當中最中意好索湯嘅紫淮山。
