Fûhn (The L. Square) (已結業)

第一次嚟呢間越南餐廳Fuhn，佢哋主打北美 style 嘅越南菜。估唔到星期二晩未到7點半已經排晒長龍，真係好生意。越南河粉、小食、飯、飲單、甜品乜都有，價值都好合理。依加仲有happy hour 添！美國安格斯牛肉粉（$75）- 有河粉同金邊粉選擇，以前係美國食開金邊粉所以都嗌咗，果然無令我失望。安格斯牛肉非常嫩滑，一定要試下。湯底都好味，所以飲晒哈！二人小食拼盤（$128）- 呢個幾掋食，有春卷、炸蝦餅、扎肉同牛油雞翼。不得不提個炸蝦餅，份量十足，裡面有粒粒蝦肉。椰青（$49）蜂蜜蝶豆花檸茶（$38）- 賣相就好靚，味道上都似凍檸茶。