影片
更多
2022-05-18
1990 瀏覽
去之前已經做好功課，這次到訪的，玄鮨連續5年入選為「米芝蓮指南香港澳門2018」推介的壽司店🙀 今次一試，果然不負所望，質素ichiban，選用北海道直送、新鮮時令的食材，令顧客眼前一亮！而味道、口感方面更是給予顧客全新的味蕾體驗！所有食物都十分出色 ，令我回味無窮！推薦！值得一讚的是，師傅單獨對一枱客人，詳細介紹材料以及做法，每位師傅製作手法不同，另外會為我們調節壽司飯量，好貼心！🍀前菜蕃茄冰菜、炸螢光魷魚、磯燒鮑魚冰菜脆卜卜好新鮮；而螢光魷魚帶有鹹味，口感好脆，魷魚細細粒但味濃而有鮮味；鮑魚有三細粒，肉質甜因使用昆布醬油慢火煮成！有咬口，再三嘴嚼味道更濃郁。🍀花紹蟹👍👍師傅話比起平時蟹肉更加鮮甜 ！果然如此，加上海鹽提鮮，鮮味更突出，而且清甜，易剝殼！🍀生蠔👍👍👍對比澳洲蠔無咁creamy ，但絕對有驚喜！呢隻蠔產於大阪下流的海域，生蠔前部分比較爽，有少少咬口，亦有醬料增加口感 ，加埋檸檬汁提鮮，後半部分則較creamy，一隻生蠔兩種口感！🍀 帆立貝👍👍來自北海道！而且師傅採用「frozen」方法處理食材，即用冰水沖洗食材，使其發漲，更加爽口，最特別係帆立貝連埋主貝，味濃郁 ，更爽
值得一讚的是，師傅單獨對一枱客人，詳細介紹材料以及做法，每位師傅製作手法不同，另外會為我們調節壽司飯量，好貼心！
🍀前菜蕃茄冰菜、炸螢光魷魚、磯燒鮑魚
冰菜脆卜卜好新鮮；而螢光魷魚帶有鹹味，口感好脆，魷魚細細粒但味濃而有鮮味；鮑魚有三細粒，肉質甜因使用昆布醬油慢火煮成！有咬口，再三嘴嚼味道更濃郁。
🍀花紹蟹👍👍
師傅話比起平時蟹肉更加鮮甜 ！果然如此，加上海鹽提鮮，鮮味更突出，而且清甜，易剝殼！
🍀生蠔👍👍👍
對比澳洲蠔無咁creamy ，但絕對有驚喜！呢隻蠔產於大阪下流的海域，生蠔前部分比較爽，有少少咬口，亦有醬料增加口感 ，加埋檸檬汁提鮮，後半部分則較creamy，一隻生蠔兩種口感！
🍀 帆立貝👍👍
來自北海道！而且師傅採用「frozen」方法處理食材，即用冰水沖洗食材，使其發漲，更加爽口，最特別係帆立貝連埋主貝，味濃郁 ，更爽更彈，加埋檸檬岩鹽味道好fresh ！好似食緊檸檬芝士蛋糕😂
🍀深海池魚 👍👍
池魚食得多，未食過咁爽口、鮮甜而且厚切的呢！日本薑蓉較普通薑蓉淡，不會蓋過魚的鮮味。由於是厚切，更彈牙，更能鎖住鮮味，鮮味停留在口腔久久不散！
🍀frozen劍魚腩
又稱「白色拖羅」，油分重！顏色較淺，個人覺得係fresh 版拖羅，完全無筋，有咬口，配上新鮮wasabi同梅鹽，更能帶出鮮味！
🍀北九州銀鱈魚刺身👍👍👍
刺身半生熟！炙燒部份有種焦香的味道，刺身部分肉質彈牙，更淡雅，一個刺身幾重口感 ！經過炙燒逼出油份，亦配上黑松露醬 ，一入口黑松露醬比較重，食到最後食到魚油攻陷口腔，魚油香停在口腔一兩分鐘！
🍀日本燒大拖羅👍👍👍
拖羅食得多！燒既我都係第一次食，師傅話呢個拖羅有筋，多數有筋嘅拖羅我都唔鍾意，這是例外。油分重，入口滑溜 燒完之後都唔無影響滑溜口感，入口即溶！底下有柑橘籽jelly、日本生菜，中和油膩感！
🍀金鯛魚立倫燒👍👍👍
不得了不得了！擺盤同埋味道一流，炸香魚鱗片，本身料理設計已經十分亮眼！再加埋自家製海膽汁、紫蘇花、底下係紫蘇葉，尤如藝術品一樣，口感脆卜卜，魚質地好滑，正宗外脆內軟，而魚味好香，滿分💯
🍀鳥貝壽司
滑得黎好有咬口，肉質緊實，口感獨特！上面柚柚子皮，令這個壽司有柚子味後勁。壽司飯用了赤醋，無咁酸，有少少甜！
🍀鱸魚壽司
深海白身魚！有少少韌性，加埋白酒醬，帶少少甜味，這種魚味道較淡，加醬能夠帶出鮮、甜、酸味道！
🍀金目鯛壽司👍👍👍
超讚的壽司，金目鯛只有外皮燒香，保留魚生部分，上層有脂碟魚（即右口魚邊，油脂比左口邊魚更重）面頭灑上柚子胡椒，三層口感，整體，帶有少少鹹味，焦香味令整個壽司味道昇華。
🍀俄羅斯牡丹蝦👍👍
質地爽甜，啖啖肉，味道鮮甜呢啲唔使多講，上層還有燒蝦膏同炒香櫻花蝦，蝦膏肥美濃郁，櫻花鹹香，幾層味道口感，抵讚的是上層相當濃郁 ，上層暖暖地，而蝦隻有冰一樣的涼快，有種反差衝擊味蕾
🍀北海道正木水產馬糞海膽👍👍👍
來自北海道，師傅話比起普通嘅海膽冇咁creamy但係絕對唔會令人失望！味道的確清新鮮甜，面頭加上淡雪葉增加口感！
北海道水質好好，所以比起平日食既更有海膽味更出！
🍀北海到秋山水產海膽👍
這款是相對creamy的海膽，味道，更濃郁，甚至覺得味道可以在口中停留一分鐘😻入口即溶！
🍀魚湯
最後師傅講上述所有魚的魚骨熬成湯，精華所在！無腥味又鮮甜以及暖胃。
🍀士多啤梨雪芭+靜岡蜜瓜
一餐完美的omkase 當然要以甜品作結，靜岡蜜瓜香甜多汁，正到爆！
張貼
