影片
更多
2021-12-12
30 瀏覽
睇戲睇到去MegaBox，所以搵食都要喺MegaBox搞掂。見到呢間餐廳都有幾多人食過，所以比較放心去試一試。我哋今日比較早嚟到，大概6:30左右，餐廳唔算太多人，有窗邊位坐，但係景色就係睇住啲人放工，同埋商場門口drive through，哈哈。呢間係pancake專門店，但係我比較習慣食傳統飽肚食物，所以叫咗一份芝士漢堡👍🏻芝士漢堡會配薯條，餐廳都有提供美乃至，整體芝士漢堡係中上水平，好過麥當勞，差過專門漢堡餐廳，不過不失嘅。女朋友叫咗一份法式焦糖疏乎厘pancake👍🏻，疏乎厘有三層，質地食落都好柔軟，似食空氣，合格。因為夜晚就唔飲咖啡啦，叫咗一杯抹茶奶茶👍🏻拉花好靚，係一隻獨角獸，味道亦都夠平均，奶味抹茶味都濃郁。****************👍🏻好食 | 👌🏻可以 | 😔 難食評分 : 7/10簡評 : pancake好食，飲品唔錯
我哋今日比較早嚟到，大概6:30左右，餐廳唔算太多人，有窗邊位坐，但係景色就係睇住啲人放工，同埋商場門口drive through，哈哈。
呢間係pancake專門店，但係我比較習慣食傳統飽肚食物，所以叫咗一份芝士漢堡👍🏻芝士漢堡會配薯條，餐廳都有提供美乃至，整體芝士漢堡係中上水平，好過麥當勞，差過專門漢堡餐廳，不過不失嘅。
女朋友叫咗一份法式焦糖疏乎厘pancake👍🏻，疏乎厘有三層，質地食落都好柔軟，似食空氣，合格。
因為夜晚就唔飲咖啡啦，叫咗一杯抹茶奶茶👍🏻拉花好靚，係一隻獨角獸，味道亦都夠平均，奶味抹茶味都濃郁。
****************
👍🏻好食 | 👌🏻可以 | 😔 難食
評分 : 7/10
簡評 : pancake好食，飲品唔錯
張貼
