影片
更多
2025-06-12
59 瀏覽
FD係山東人，話香港終於開咗間高檔魯菜中餐廳，係北京米其林二星魯上魯同俏江南聯手打造的，咁一定要試試。餐廳裝修得好靚，係古典同新派相結合。估唔到晚市都幾多人，有唔少都係商務聚餐。普洱茶，用蠟燭溫咗茶水，幾時飲都可以keep到溫度。脆蔥手撕諸城熏雞，雞肉撕成細條，入口鮮甜得嚟又帶少少煙熏味。脆蔥焗到脫水，食落口感爽脆。同雞肉一齊食，鹹香中又帶啲蔥嘅辛辣。蝦油蒜泥低溫元貝，用低溫慢煮嘅方式烹飪元貝，肉質嫩滑好似豆腐咁。面頭淋咗層蝦油蒜泥，蒜香勁濃，但唔會搶咗元貝嘅鮮味，蝦油仲帶啲鹹香，味道層次好豐富。國宴烏魚蛋湯，烏魚蛋切得好薄身，食落入口即化，湯底清甜得嚟又帶咗海鮮嘅鮮味。落咗香醋調味係點睛之筆，成碗湯鮮香酸甜，好好飲。傳統北京烤鴨（半套），每位客人都會搭配烤鴨小料一份。烤鴨師傅會當住客人面片鴨，師傅手勢一流，每塊皮都會連住少少肉。用薄餅包住鴨肉，加埋青瓜絲，蔥絲同甜麵醬，一啖咬落去，鴨肉嫩滑，青瓜清爽，鴨油同醬汁爆咗出嚟，超好味。膠東蔥燒渤海灣帶魚，用魯菜家常方法燒制，味道偏濃郁，以醬香味為主。帶魚肉質結實又唔會老，大蔥嘅香甜完全滲入魚肉，醬汁濃鬱但唔會蓋過魚鮮。宮保手剝大蝦球，係魯菜
普洱茶，用蠟燭溫咗茶水，幾時飲都可以keep到溫度。
脆蔥手撕諸城熏雞，雞肉撕成細條，入口鮮甜得嚟又帶少少煙熏味。脆蔥焗到脫水，食落口感爽脆。同雞肉一齊食，鹹香中又帶啲蔥嘅辛辣。
蝦油蒜泥低溫元貝，用低溫慢煮嘅方式烹飪元貝，肉質嫩滑好似豆腐咁。面頭淋咗層蝦油蒜泥，蒜香勁濃，但唔會搶咗元貝嘅鮮味，蝦油仲帶啲鹹香，味道層次好豐富。
國宴烏魚蛋湯，烏魚蛋切得好薄身，食落入口即化，湯底清甜得嚟又帶咗海鮮嘅鮮味。落咗香醋調味係點睛之筆，成碗湯鮮香酸甜，好好飲。
傳統北京烤鴨（半套），每位客人都會搭配烤鴨小料一份。烤鴨師傅會當住客人面片鴨，師傅手勢一流，每塊皮都會連住少少肉。用薄餅包住鴨肉，加埋青瓜絲，蔥絲同甜麵醬，一啖咬落去，鴨肉嫩滑，青瓜清爽，鴨油同醬汁爆咗出嚟，超好味。
膠東蔥燒渤海灣帶魚，用魯菜家常方法燒制，味道偏濃郁，以醬香味為主。帶魚肉質結實又唔會老，大蔥嘅香甜完全滲入魚肉，醬汁濃鬱但唔會蓋過魚鮮。
宮保手剝大蝦球，係魯菜同川菜結合嘅新派菜品。蝦球大大粒，爽口彈牙，宮保汁酸甜微辣。醬汁掛得唔會太薄，每啖都夠曬味，但又唔會太濃而搶咗蝦嘅鮮甜。辣度都啱啱好，唔食得辣嘅客人都接受得到。
膠東大燴菜，呢個大燴菜好有北方風味。白菜，粉條，豆腐等燴埋一鍋，湯汁濃鬱得嚟又唔會油膩。豆腐燉到軟腍，食落入口即化，粉條索曬湯汁鮮甜，好入味。
阿膠絲滑酸奶，阿膠嘅滋補同酸奶嘅酸甜出奇地夾，酸奶質地絲滑唔會太稀。再落入少少黑糖，食落甜度適中感覺好養生，似高級甜品多過普通酸奶。
張貼
