岩鹽日本料理 (利舞臺廣場) (已結業)

是晚約了保險Agent 在銅鑼灣Update保單事宜，所以找了個靜靜地的地方，來到岩鹽日本料理利舞臺廣場分店。餐廳夠大又夠近地鐵站，幾方便。因為大家都不太餓，所以單點了幾道菜。縞縿薄切刺身，有6片，幾爽口新鮮，點酸醋汁幾開胃清新。火炙穴子壽司長長一條有點火炙香，魚肉結實有咬口。松葉蟹肉軍艦蟹肉都幾多，尤其蟹膏好香，值得一食。燒雞肉丸串脆口又彈牙，不錯！紫蘇豚肉腸食落有少少紫蘇香，腸皮薄脆。吉列忌廉蟹肉餅炸得香脆可口，入面的薯蓉質地好幼滑，和沙律醬點埋一齊食最好不過。廣島蠔崟飯二人食一個剛好，蠔肉飽滿鮮味，入面有粟子、冬菇、枝豆等，撈埋食口感不錯。而且可加茶加紫菜變做茶漬飯二食。北海道班戟蛋糕啲cream幾滑，做得幾有層次，小小一件可以過下口癮。其實餐牌選擇豐富，但我地都係匆匆一見，所以食得唔多，唯有留返下次再試。