正和軒 - 同仁四季

話說包咗場做百日宴，咁我就影咗少少精華相片分享吓，有芝士焗加拿大龍蝦伊麵底，每人預咗半邊龍蝦，咁又好過一隻大龍蝦，肉得幾舊咁多人分，凱撒沙律伴百花釀蟹鉗，熱辣辣好好食～而家好多到都無釀蟹鉗食，紅燒花膠海皇燴魚翅、蠔皇玉掌扣原隻鮑魚，呢樣通常去飲宴都有上場，清蒸生猛海虎杉斑，都係蒸到啱啱好，金沙脆皮炸子雞，等等⋯掛住食影唔曬咁多餸添

1

重有一圍枱可以安排齋菜圍，照顧客人唔同嘅需要。真係好好，又靚又多款式，連素粉果都有👍🏻👍🏻

店內重係全場無柱、樓底特高、西式舞台、燈光系統投射機、無線咪、擴音系統、好啱包場用，重可以自彈自唱，當一個兩小時的唱作歌手吧！