正和軒 - 同仁四季

正和軒同仁四季，佈置特色優雅，帶給客人舒適的感覺，是與朋友聚餐的好地方。冰鎮南非鮮鮑魚配凱撒雜菜沙律冰鎮鮑魚彈牙鮮甜，帶淡淡的迷人酒香，跟配爽甜的凱撒沙律菜，伴隨酸甜的醬汁，口感好清新，讓人食慾大增。原盅花膠海螺頭燉雞矜貴的花膠，和海螺頭的鮮味，完全融入雞湯之中。湯頭濃郁醇厚，海螺頭彈牙，雞肉鮮嫩，花膠Q彈軟糯，滿滿的骨膠原，既滋補又養顏，是女士至愛。上湯開邊澳洲龍蝦配香草稻延鳥冬半隻肥美開邊龍蝦，令人垂涎，肉質彈牙鮮甜。上湯帶出龍蝦的鮮味，稻庭烏冬順滑 Q彈，每條烏冬掛上香草汁，增添清新的香氣。乳酪卷配百花蟹鉗 乳酪卷炸到香脆可口，滿滿的奶香。炸到金黃的蟹鉗 ，外層脆脆卜卜 ，內裏鮮味彈牙，口感一流。野菌鮮斑球泡菜苗滑溜的野菌，充滿獨特香氣，油泡後的斑球，更加鮮嫩滑溜，相得益彰。菜苗翠綠爽甜，簡單美味。椰皇鮮奶燉雪膠椰皇燉鮮奶香氣十足，奶味香濃，帶有淡淡的椰子甜香，甜度適中。透明的雪膠十分滑嫩 ，既清新又不膩口 ，滋潤養顏的甜品，讓人喜歡。…查看更多

星期日臨時想食生日飯，周圍一係排隊一係就無平靚正。但今次去食呢間平均分高值得推介同想再嚟。一對老人家都讚好，小朋友又鍾意食，地方環境算鬆動，唔會急忙催你埋單，侍應得閑就會主動換骨碟，食飯感覺輕鬆舒適，價錢合理份量又夠，會再同家人選呢度聚餐或飲茶👍佢嘅優惠仲要唔係平日先有，周末食飯都一樣有平時嘅優惠菜式點，感覺照平日一樣咁抵😁…查看更多

已經幫襯過呢間餐廳好多次，但未試過體驗咁差嘅服務！1. 請你食石仔鮮竹卷今日打風同屋企人飲早茶，叫左個幾個點心，其中一個係鮮竹卷，食到最後一條發現裏面有一粒石仔，我地叫侍應過來處理，對方竟然質疑我地點解食到最後先同佢講有石頭，好唔情願咁免單，期間收走左我地mark左嘅點心紙，除左白眼我地冇收到任何歉意！2. 大模廝樣唔落單，早市價錢變午市由於侍應收左我地張點心紙，我地以為佢已經落左單，等左半個鐘後追單時發現冇落到單，而佢哋解決方法就係要我地用午市價錢重新落過⋯⋯好彩我地有影低交左嘅點心紙，同對方理論後亦有比返早市點心紙我地。3. 搞事？埋單比說話你聽！由於本人有揸車想享用商場泊車優惠，加點心前去櫃檯詢問總共幾錢，櫃檯嬸嬸答我$171，我亦因此追加上述漏單嘅點心（馬拉糕$28、桂花糕$21）食到一肚氣後終於埋單，呢個時候價錢竟然變左$294！！！！我滿頭問號❓❓櫃檯嬸嬸嘅回應係：「你話我地啲點心冇來加左兩個點心啊嘛，啱啱問你幾多人又答我三個人！」（對方認為我講大話想呃茶錢，我亦即場反駁，表示我係明確答佢三個人）我拎張單計返價錢，發現第一次出去問價錢時已經過$200，請問$171呢個價錢從何而來？你地咁大間酒樓，鮮竹卷裏面有石仔係理所當然？從頭到尾，冇一句「唔好意思」，頻頻出錯我地亦冇投訴，最後埋單竟然仲要比說話客人聽？呢幾年多次幫襯呢間餐廳，覺得食物質素唔錯👍🏼，亦有介紹親朋戚友去食，但經過今次之後真係唔會再去！步出正和軒嘅我喺到諗：「香港餐廳頻頻執笠確係抵死！」腦內亦不住浮現若上述事件發生係深圳餐廳，對方會如何處理？白眼？質疑？抱怨？相信大家心內都已經有答案⋯⋯香港餐廳，自求多福啦～～…查看更多

午餐都一樣可以食得好豪華荃灣正和軒以前成日去屋企飲茶 呢度有個好正嘅舞台 間唔中都會有樂隊表演 呢個二人餐真係好吸睛冰鎮南非鮑魚每人一隻經過冰鎮口感零舍爽 預先切好連埋凱撒沙律方便食用 絕對適合作為開胃小菜食完鮑魚飲碗靚湯 呢度嘅原盅花膠海螺燉雞真係好豐富同足料 最深刻塊花膠好大塊 白白地晶凝通透 唔算太多油 每一啖都好滋補養生 😋上湯開邊龍蝦 仲要係澳洲大龍蝦🦞！配上冷香草稻庭烏冬 組合特別 龍蝦嘅膏撈埋一條條彈牙嘅烏冬面頭仲有芝士同香草 絕對係中西式完美組合另外嗰餐仲有乳酪卷配百花蟹拑同野菌鮮斑球泡菜苗絕對食得你飽😋😋
幾飽都好 記得要食埋個甜品 椰皇鮮奶燉雪膠係成個餐嘅精髓所在整個椰子🥥裡面充滿熱辣辣滑嫩鮮奶和雪膠 濃郁椰子香氣配香滑鮮奶 啖啖雪膠入口細膩恨不得馬上大口大口的把整個椰子吃光光😝…查看更多

今日又跟朋友一起去嘆個早茶，正和軒-同仁四季位於荃灣8咪半即是愉景新城旁邊的商廈，兩個商場都是相連的，所以飲完早茶可以順便逛逛商場，或者到IKEA閒逛買下合適的家品。正和軒鋪子不是很大，座位也舒適，幫襯的好多人都係長期食客，職員都很有禮貌和樂於服務。他們的點心到時即叫即蒸，熱辣辣，而且每一樣都很好味。我哋最鍾意薑汁糕，每次起碼都要叫兩籠，薑汁濃濃的而且質地Q彈。鳳爪也是必吃的，稔度剛好又入味，各款點心也做得好，性價比高，值得一吃再吃。…查看更多

閒遊荃灣不經不覺又到晚飯時間，唔知食咩好，問下荃灣地膽朋友有咩好介紹，佢知我哋鍾意食龍蝦及鮑魚，就介紹咗呢間餐廳俾我哋。澳洲龍蝦鮑魚餐$488🥢冰鎮南非鮮鮑魚配凱撒雜菜沙律鮑魚大大隻又厚身，軟淋 唔黐牙，而且鮑魚仲帶着香濃酒味啱哂我哋，沙律菜好新鮮，好清新又矜貴嘅前菜。🥢乳酪卷配百花蟹鉗乳酪卷外鬆脆內裡綿密腍滑，有點像綿花糖，但又唔會好甜；百花蟹鉗爽口又Q彈， 鮮味十足。🥢原盅花膠海螺頭燉雞湯頭鮮甜濃香，花膠軟滑，海螺腍甜，另外仲有雞腳、雞肉等，料頭十足，啖啖滋潤入心。🥢上湯開邊澳洲龍蝦配香草稻庭烏冬冇諗過呢個價錢有咁大隻 澳洲龍蝦，size超大，連蝦頭都好多肉，肉質爽彈鮮甜，仲有好多甘甜龍蝦糕添，配合Q彈烏冬，烏冬索哂啲龍蝦汁同時又有啲香草味，惹味又滋味。🥢野菌鮮斑球泡菜苗有兩大塊彈牙又新鮮嘅班球、雜菌、雲耳及清甜菜心，份量都唔惹少。🥢椰皇鮮奶燉雪膠滑溜溜嘅口感，有椰皇嘅甜香亦帶奶香濃郁，再配合矜貴嘅嘅雪膠，口感豐富之外，仲好滋陰養顏。🍹鮮青檸泰梳打(右)🍹鮮桔檸蜜梳打(左)兩杯都一樣清爽唔甜，啱哂而家悶熱嘅天氣，解暑一流。🫖蕎麥茶清爽微甘，米味芳香。呢個套餐係免加一服務費及茶芥，包埋紅酒、白酒或果汁一杯添，推廣期內一天前預訂仲享有九折優惠，都真係幾抵食。…查看更多

一個價錢唔止食到西澳龍蝦 + 鮮鮑魚 + 花膠燉湯，成個套餐仲有包埋其他嘢食又有酒或果汁！而且免加一服務費同茶芥，好抵食😍🙌🏻🦞 澳洲龍蝦鮑魚餐 $488 / 位（二位起) (免加一服務費 . 茶芥)送： 紅酒 / 白酒 / 果汁/ 梳打茶芥 ： 普洱 / 水仙 / 香片 / 蕎麥 / 壽眉冰鎮南非鮮鮑魚配凱撒雜菜沙律彈牙鮑魚已切成3片，厚度啱啱好，食落方便，配爽脆清新凱撒沙律花膠海螺頭燉雞原盅材料豐富，多到滿瀉，有螺片、花膠、雞腳、雞胸、瘦肉、杞子，仲有少少魚翅，面層有金黃色雞油，燉湯味道香濃，入口膠質滋補而清澈唔膩上湯開邊澳洲龍蝦配香草稻延烏冬烏冬滑溜，西澳龍蝦肉質飽滿，啖啖緊實肉質，鮮橙黃色龍蝦頭膏配香草洋蔥上湯芡乳酪卷配百花蟹拑炸乳酪卷外酥化內軟滑，炸蟹鉗外香脆內彈牙野菌鮮斑球泡菜苗略煎香嘅斑球微脆，配菜芯苗、黑木耳、菇菌椰皇鮮奶燉雪膠雪膠分量多，燉鮮奶好香滑，入口有啖啖椰皇水清甜，內殼椰皇肉燉得軟腍_______________正和軒 - 同仁四季 (荃灣)荃灣青山公路 - 荃灣段388號中染大廈中染新城1樓106號舖_______________…查看更多

一走進餐廳就被驚艷到了！裝潢走奢華風，多個吊頂燈搭配雅緻的中式擺設，還有一個美輪美奐的大舞台，每個角落都好適合打卡。座位寬敞舒適，服務員態度親切，上菜節奏剛剛好，超適合和姐妹們來邊吃邊聊～🦞 **上湯開邊澳洲龍蝦配香草稻延鳥冬**這道絕對是鎮店之寶！龍蝦size超級誇張，比臉還要大！肉質飽滿彈牙，還有蝦膏，真是鮮甜到不行！鳥冬吸晒湯汁精華，烏冬帶有香草的香味，食落好有層次， 一口龍蝦一口烏冬，簡直是奢華享受！🐚 **冰鎮南非鮮鮑魚配凱撒雜菜沙律**原隻鮑魚上桌超有氣勢！冰鎮後口感更加爽脆彈牙，簡單蘸點醬油就鮮味十足。搭配新鮮脆嫩的凱撒沙律，清爽開胃得嚟又夠高級，鍾意食海鮮嘅朋友會愛上！🦀 **乳酪卷配百花蟹鉗**乳酪卷外皮酥脆，內陷綿密而且甜而不膩。蟹鉗炸得金黃酥脆，拳頭大小，蝦膠彈牙鮮美，搭配自家特色醬簡直絕配！🐟 **野菌鮮斑球泡菜苗**斑球火候掌握得超好，魚肉嫩滑無刺。野菌香氣濃郁，菜苗鮮甜清新，讓整道菜層次感十足！🍲 **原盅花膠海螺頭燉雞**這盅燉湯用料超級實在！花膠厚實滿滿膠質，海螺頭鮮甜，雞肉燉到軟嫩。湯頭清澈卻味道濃郁，飲完成個人都暖笠笠，滋補首選！🥥 **椰皇鮮奶燉雪膠**甜品控看過來！椰皇香氣濃郁，鮮奶燉得滑順不膩。雪膠QQ的口感超特別，甜度剛剛好，養顏又美味，為這餐畫下完美句點。正和軒的菜式精緻又美味，從前菜主食到甜品都無可挑剔！環境舒適高級，服務貼心周到，不管是閨蜜聚餐、家庭聚會，還是商務宴客都超適合～…查看更多

諗住同朋友慶祝生日，食個健康又豐富嘅生日飯。點知當日去到，朋友話佢偶然返工都會黎食lunch😂完全變咗冇晒驚喜咁🥹好彩佢話唔緊要，平時淨係食點心，未食過其他😮‍💨見佢依個澳洲龍蝦鮑魚餐早一日預訂可以有九折！仲要本身包咗紅酒/白酒或果汁一杯🥃欣賞佢呢度有別於傳統酒樓，竟然可以叫乳酸或者梳打飲品！-冰鎮南非鮮鮑魚🥧底部有凱撒沙律🥗沙律菜好新鮮，如果芝麻少啲既話相信沙律菜味道會更突出。而鮑魚都大大隻，凍凍地好彈牙！-原盅花膠海螺頭燉雞🫕花膠同海螺頭都彈牙好食！湯色如龍井般清清地，但可以飲到真材實料-上湯關邊澳洲龍蝦🦞澳洲龍蝦對半剖開，龍蝦肉脹卜卜一睇就知係新鮮！通常底下都係伊麵多，但今次係配上稻庭烏冬。冇諗過吸飽龍蝦汁後，被香草油點綴出義式風情。我覺得比起伊麵更昇華，比起傳統嘅龍蝦伊麵更加出色！！-乳酪卷配百花蟹拑🦀百花蟹拑裏面仲有顆粒感，蟹肉鮮甜。而乳酪卷我第一次食，平時食開炸鮮奶卷～乳酪卷滑滑的，可以解膩-野菌鮮斑球泡菜苗🥬底層係菜心～中間有龍躉。龍躉份量都多！大大嚿！高層有好多唔同種類嘅野菌同木耳🍄‍🟫食到依度已經開始好飽了～-椰皇鮮奶燉雪膠🍨雪燕好似水晶咁通透，而中間嘅鮮奶凍好奶😂食得出去用好足料嘅牛奶去整！幾好食…查看更多

我沒有食夜晚，享受唔到豐富的海鮮，但係同朋友嚟到飲茶，都覺得非常之唔錯。呢日來到两人嗌咗4個點心，有眉豆花生粥，有百花蝦膠燒賣，有蜂巢黄金糕，仲有蒜香蝦春卷，4様味道都非常之好，而且人數不是太多，可以好享受⭐⭐…查看更多

偏愛中菜嘅我, 長征黎到朋友介紹嘅好味中菜~結果係 無介紹錯, 堅好味喎!佢真係了解我嘅朋友!澳洲龍蝦鮑魚餐 $488/位我好欣賞呢度個設定, 個價錢係實價黎!竟然係包曬茶介加一了, 响香港 好難得啊!冰鎮南非鮮鮑魚乳酪卷配百花蟹拑原盅花膠海螺燉雞上湯開邊澳洲龍蝦稻庭烏冬配粟米汁 啱我口味, 嘻嘻~比一般食開嘅肉多啲厚啲, 彈牙鮮味 啖啖肉~野菌鮮斑球泡菜苗魚片肉厚厚, 挺身彈牙~椰皇鮮奶燉雪膠爆珠果汁加乳酸 估吾到中餐都飲到清新好味嘅特飲, 加分啊~…查看更多

今日同老闆去咗食飯，佢車咗我嚟呢間餐館到食晚餐！🌊 冰鎮南非鮮鮑魚配凱撒雜菜沙律 鮑魚爽脆彈牙，冰鎮做法鎖住鮮甜！搭配經典凱撒沙律，清新開胃！ 🍲 原盅花膠海螺頭燉雞每啖都有湯料，湯頭濃郁黏嘴唇，花膠厚身又嫩滑，海螺頭鮮味爆棚，喉嚨滋潤舒服！🦞 上湯開邊澳洲龍蝦配香草稻延烏冬龍蝦size巨型！肉質肥厚飽滿又鮮甜，上湯汁完全滲入龍蝦肉～烏冬吸盡精華，香草味畫龍點睛，絕‼️ 🍤 乳酪卷配百花蟹拑酥脆組合！蟹拑外脆內嫩，乳酪卷酸甜解膩，口感層次豐富～ 🐟 野菌鮮斑球泡菜苗斑球嫩滑無骨，菜苗鮮甜，健康又美味！ 🥥 椰皇鮮奶燉雪膠燉足2小時！椰香+奶香雙重爆擊，雪膠滋潤，極度滿足～ 最後仲有兩杯果汁飲👍🏻 無揸車仲可以揀紅酒or白酒總括嚟講，味道相當好，值得一試！…查看更多

最近去咗荃灣嘅正和軒同仁四季，荃灣地鐵站A四出口之後一直行天橋就可以去到，好方便！會約家姐嚟呢度食飯係因為佢哋推出咗澳洲龍蝦鮑魚餐🦞🐚，每位$488（二人起），一個字：抵😍 加一服務費同茶芥都包晒，再加上預早訂位可以享有九折🥹‼️‼️由頭到尾，菜式款款都好有驚喜，仲送一杯紅酒🍷、白酒🥂或果汁🧃，夠晒貼心！💖冰鎮南非鮮鮑魚配凱撒雜菜沙律🥗清爽得黎鮑魚鮮甜彈牙😋，沙律脆口，完美開胃原盅花膠海螺頭燉湯🍲湯頭濃而不膩，花膠軟糯，海螺頭鮮味十足，飲完暖胃又滋補！🥰上湯開邊澳洲龍蝦配香草稻延烏冬🍜龍蝦肉質爽彈🦞，湯汁濃郁鮮甜，吸晒龍蝦精華嘅烏冬軟滑又入味，真係好味！🤤 乳酪卷配百花蟹拑🦀好有創意，乳酪卷香脆，蟹鉗鮮嫩，兩者搭配出奇地夾！👍 野菌鮮斑球泡菜苗🍄斑球嫩滑，菜苗爽脆，健康又好味🥬份量好多！我啲食唔曬椰皇鮮奶燉雪膠🥥雖然上一道菜已經食唔晒，但係甜品係另一個胃！完美嘅收尾，椰香撲鼻，雪膠滑溜，甜度啱啱好，清新又唔會太膩！😊呢度嘅服務仲要細心周到，今時今日真係好難得喺香港遇到服務態度咁好嘅餐廳，套餐價錢性價比亦真心高！💯 強烈推介俾鍾意海鮮同中菜嘅朋友，下次一定再嚟！🙌…查看更多

就到母親節，特別帶媽媽提早慶祝一下，知佢最愛食海鮮，但又食吾到好多，所以搵左呢間中菜，以每位計，每道菜都矜貴又岩口味！龍蝦鮑魚餐 $488呢個價錢已包一同茶芥，仲送一杯果汁或紅白酒！呢個餐有5道菜加一道甜品，份量岩岩好，食完夠哂飽肚。冰鎮南非鮮鮑魚鮑魚幾有鮮味，帶少少酒香，幾易咬開。原盅花膠海螺頭燉雞湯滋潤保身既燉雞湯，有一片花膠同少少螺頭切粒，個湯無咩油。上湯開邊澳洲龍蝦 配香草稻延烏冬主角龍蝦，用左西澳龍蝦，龍蝦肉鮮甜，食得出系新鮮，吾系死左好耐既龍蝦。配搭烏冬，增加飽肚感。乳酪卷 配 百花蟹拑好多時去食12人套餐先有機會食既百花蟹拑，宜家一人餐都可以食到！蟹拑加左蝦肉，幾彈牙。乳酪卷其實即系平時既炸鮮奶，同樣好食。野菌鮮班球泡菜苗套餐有個蔬菜balance啲！班球有4大片，浸野菌上湯幾入味，菜系菜芯苗。椰皇鮮奶燉雪膠最後甜品，亦系媽媽至愛既椰皇鮮奶燉雪膠，用左2小時去燉，所以特別滑，甜度調教得幾好，甜味主要以椰皇味帶出，所以幾清甜。…查看更多

是次用openrice訂座，餐廳位置由愉景新城行過去較近，用餐的是套餐，套餐內包括一款主菜（選了堂前火焰醉鵝半隻），另可選A，B，C，D款各選一款菜品（A款小食類選了胡椒煮豬肚、B款湯羹類選了紅燒海皇羹、C款小菜類選了脆皮炸雞半隻、D款飯類選了瑤柱蛋白炒飯），份量十分足大份，四人都夠食，食路性格比十分高，埋單$719／4人（內含堂前火焰碎鵝$598，茶芥［晚茶］$14，另收加一服務費$65.4）。…查看更多