花圖 (已結業)

本身bookmark左花圖好耐，之後滿懷期待終於有特別日子去食，點知失望而回。食物質素係ok，但侍應態度同反應有待改進。叫左幾次都無人理，而且話叫其他人幫我幫左好耐都無人黎，經理黑口黑面。所有人好似只係做包場間房。我諗包場都唔係一朝一夕既事，應該好早前就知道，如果真係應付唔黎，應該果日唔好俾街客或者請多D PT幫手。另外唔知包場係唔係大曬呢，果個範圍係可以俾人食煙。本身室内、食肆就係唔可以食煙。邊有話包場有例外，仲要得一個簾隔住，而且D人出出入入，根本等於無。成餐飯都一直食緊二手煙，真係完全唔記得自己食左咩。是但放幾張相代表自己去過，唔係打手黎