Honbo (已結業)

喺海港城行街，見到呢間專食漢堡嘅餐廳，仲要對住勁靚嘅海景，咁就排隊入去試吓，入面已經好有聖誕氣氛，好多聖誕裝飾。Double Cheese Burger,個漢堡扒份量都好大份，有4oz牛肉，d漢堡扒勁juicy,生熟程度啱啱好，唔會過熟而太硬，加上勁多芝士，d芝士處於半熔狀況，好好食，佢嘅醬汁都唔錯，我覺得似磨菇汁嘅味道。Honbo 2. ，佢嘅漢堡扒份量都唔比double cheese弱，都係好重份量，都好juicy，呢個包嘅醬汁係千島醬，加埋酸瓜，生菜一齊食，都好fresh,唔會太油膩。Buffalo Wing,少少酸，加辣辣地，幾惹味。Chili Fries，薯條上面有勁多墨西哥味嘅肉碎，個肉碎都好惹味，有少少辣辣地，薯條係即炸，非常香口。Apple Pie Iced Tea，第1次飲，個味道真係似蘋果批，因為飲落有肉桂香味，上面仲加咗2片蘋果乾，令到蘋果味更特出。Mike's Lemonade，飲落好正，因為本身勁鍾意檸檬嘅酸味，呢杯夠酸，啱晒我。