影片
更多
2021-09-13
57 瀏覽
朋友之前食過過灣仔有間唔錯嘅韓國扒房，韓國嘅真係未試過，所以今日就去食餐勁。入面裝修都好高雅，燈光暗暗地，感覺好高級，店員話如果下次多人，可以book VIP房，佢話有3間大嘅房。店員好貼心，將餐牌逐一介紹，話佢地嘅牛係廿八至四十五日熟成，之後自行調整再跟進熟成程序，所以每件牛肉嘅味道都唔同，真係解釋得好詳盡，佢推介佢地有個set都幾好食，可以試多款唔同嘅牛肉，最後我地決定叫呢set380蚊嘅套餐。前菜分別有泡菜，芽菜，酸蘿蔔，菜沙律，茄子，魚乾仔，仲要無限refill,呢度d前菜款醃得幾好食，配埋熟成扒食都幾正。生菜包＆自家包飯醬，個醬入面有好多豆，個醬好惹味，唔會太咸，點青瓜同甘荀食又幾唔錯。韓式蒸蛋，個蒸蛋好濕潤，一d都唔老都幾滑，上面仲有大量蟹子同蟹柳，都幾好食。有個自選嘅朝鮮小品，我地選擇咗和牛他他，同之前喺韓國食嘅味道一樣，用蛋黃撈勻d牛肉同雪梨絲，d牛肉好新鮮，雪梨好爽甜，加埋滑滑嘅蛋黃用紫菜夾埋一齊食，正。熟成醬油牛肋骨，條牛肋骨好長，脂肪分佈都算均勻 ，佢醃得好好味，食落好好味好juicy。和牛羽下肉，佢d脂肪紋理好分明，係冇醃過，但食落勁多肉汁，唔使點調味料都好好食
入面裝修都好高雅，燈光暗暗地，感覺好高級，店員話如果下次多人，可以book VIP房，佢話有3間大嘅房。
店員好貼心，將餐牌逐一介紹，話佢地嘅牛係廿八至四十五日熟成，之後自行調整再跟進熟成程序，所以每件牛肉嘅味道都唔同，真係解釋得好詳盡，佢推介佢地有個set都幾好食，可以試多款唔同嘅牛肉，最後我地決定叫呢set380蚊嘅套餐。
前菜分別有泡菜，芽菜，酸蘿蔔，菜沙律，茄子，魚乾仔，仲要無限refill,呢度d前菜款醃得幾好食，配埋熟成扒食都幾正。
生菜包＆自家包飯醬，個醬入面有好多豆，個醬好惹味，唔會太咸，點青瓜同甘荀食又幾唔錯。
韓式蒸蛋，個蒸蛋好濕潤，一d都唔老都幾滑，上面仲有大量蟹子同蟹柳，都幾好食。
有個自選嘅朝鮮小品，我地選擇咗和牛他他，同之前喺韓國食嘅味道一樣，用蛋黃撈勻d牛肉同雪梨絲，d牛肉好新鮮，雪梨好爽甜，加埋滑滑嘅蛋黃用紫菜夾埋一齊食，正。
熟成醬油牛肋骨，條牛肋骨好長，脂肪分佈都算均勻 ，佢醃得好好味，食落好好味好juicy。
和牛羽下肉，佢d脂肪紋理好分明，係冇醃過，但食落勁多肉汁，唔使點調味料都好好食，好重牛肉味。
是日熟成牛肉，睇落一d都唔似經過熟成，可能我唔識分，haha，但食落就知同普通牛係唔同，佢真係好淋滑，一d韌嘅感覺都冇。
韓國五花腩，唔算太肥，完全冇豬肉嘅酥味，包生菜同點d包飯醬食，好惹味香口。
食完呢個set嘅牛肉之後，再encore多個和牛三角，店員推介話呢款都好多人叫唔錯，係牛嘅希少部分，上碟時，真係好肥美，脂肪分佈非常靚，喺爐果度燒，勁惹火，可想而知有幾肥美，食落真係入口即溶，d油香爆晒出黎，非常正。
呢個set仲有自選飯，麵或者湯，我地選擇咗平壤冷麵，d麵條非常煙韌，加埋涷涷嘅湯，非常消暑。
韓燒唔少得有汽嘅飲品啦，我地分別叫咗青檸檬梳打同荔枝梳打，都幾足料，有荔枝肉同半個青檸喺入面，食完燒肉，飲返啖一流。
最後仲有軟雪糕甜品，個雪糕好軟滑，上面仲有焦糖醬同杏仁片，呢個飯後甜品唔錯。
張貼
