黑木亭居酒屋 (金馬倫道)

放工同朋友係尖沙咀行街, 邊行邊傾下計, 講開去日本, 好掛住日本嘅野食呀! 😔 突然諗起黑木亭居酒屋, 好幾個月前曾經去過, 覺得嗰度啲環境中修好似去咗日本一樣, 所以今晚同朋友再嚟。🥰沿樓梯上全部都係日本風格嘅插畫, 裝修, 餐廳中間仲有一棵櫻花樹裝飾! 有客上到去會打鼓通知, 真係好有氣氛! 天婦羅茄子燒 - $68天婦羅茄子燒有啲驚喜, 茄子用天婦羅粉炸到鬆脆, 香口, 上面加少少青蔥, 再淋上少少燒汁, 色香味俱全! 帶子海膽青瓜卷 - $188紫菜飯卷住青瓜, 牛油果, 上面有火灸過嘅帶子, 帶子面舖上超級鮮味嘅海膽, 成件食落去分咗唔同層次! 鐵板照燒三文魚頭 - $98三文魚頭燒得好香, 仲有好多洋蔥, 高湯, 大蔥, 蘿蔔淆成嘅汁, 非常之鮮甜! 虎蝦麵包蟹粥 (半隻) - $269呢鍋熱辣辣嘅粥, 好啱今日嘅天氣食呀! 裏面有麵包蟹, 蟹膏,'蟹肉, 虎蝦一齊煲嘅粥, 非常鮮甜! 兩隻虎蝦都好彈牙! 粥吸收哂蟹同海鮮嘅鮮味, 真係好正!蜜桃烏龍熊茶 - $58呢啲蜜桃烏龍茶相片上面有一隻可愛嘅熊仔冰, 打卡一流! 飲落有清新嘅蜜桃果香又有少少烏龍茶苦澀味! 真係