鼎泰豐

營業中

休息中

一星期都有一次同家人出街食飯，今次就揀咗銅鑼灣既鼎泰豐。因為多人等位，所以我選擇早啲去排隊等位，個職員話要半枱人數先比入去坐，所以我大約等咗半個鐘到先入到去。今餐食豪啲，所以4個人叫都點咗9款食物做晚餐：小籠包：皮薄，肉鮮，一定要食。醬汁黃花魚、香菇素餃：皮薄，餡料足料。紅燒牛肉湯麵：牛肉好淋，麵條有咬口，湯底濃郁。蝦仁燒賣、雞絲蝦仁春卷、酸辣湯：酸酸辣辣啱哂胃口，口感豐富。蘿蔔絲伴海蜇皮：簡單前菜，涼拌十分好食。八寶飯。樣樣都好食，全家都食得開心。