振興肉丸

營業中

休息中

同朋友喺銅鑼灣行完街臨走嘅時候佢話要去振興買丸，我問佢超市都有得買點解要喺呢度買🤔入到嚟我就即刻知道原因喇， 原來專門店嘅款式超多，有啲丸仲要喺超市係未見過嘅！見朋友買咗好多包，所以我自己都揀咗三包丸！零添加墨魚丸：無味精、無人造色素、無防腐劑！用100%嘅墨魚打成丸，入面仲有一粒粒嘅墨魚肉，入口鮮味又有嚼勁❤️牛骨清湯牛丸：用100%紐西蘭牛肉抽走牛筋同脂肪之後打成肉丸，入口肉汁豐富又彈牙，因為抽走咗脂肪所以食多幾粒都完全無油膩嘅感覺😍豬骨濃汁貢丸：將豬骨濃湯滲入豬腿肉同香菇粒打成嘅肉丸，比坊間食開嘅貢丸豬肉味更濃同埋更多肉汁😊今次買嘅呢三款丸都好好食，下次可以試埋其他款😋