米線皇后 (已結業)

「當米線皇后遇上米線皇后？」三個月以黎不停地有人問我去食左米線皇后未😂又問間店舖係咪同我有關🤔今日終於要朝聖一下🤭一入到黎俾啲橙色既凳同雲石枱吸引住。至於湯底就有七款選擇，究竟食物質素係點？—————————————————————#炆腩肉麻辣小辣 💰29+8個碗好大，但份量比較少。有豆卜、雲耳、蓮藕、同埋姜（有啲奇怪）做配菜。米線個樣好似某隻牌子嘅米線一樣（有排消化系列）😵睇落一啲都唔吸引，食落唔算好硬身，但味道好普通。腩肉份量比較少，得三細舊豬腩肉，食落雖然好淋，但係醃得唔算入味。湯底偏油，感覺好普通。飲品方面，凍飲要加$9，價錢偏貴。$37一碗米線🍜其實一啲都唔便宜，呢個價錢可以食到更高水準既米線。