加藤屋 (已結業)

有日收工係西九龍見到呢間加騰屋新開 由於唔洗排隊 唔洗等位 咁就入左去食啦！店面好光猛 亦都好乾淨 睇睇餐牌 好搞笑～佢係吉野家+pepper lunch 有得hotpot, 牛肉飯, 仲有鐵板牛肉飯！天氣凍凍地 咁我同mr monster就一人一鍋打邊爐 大家都嗌左牛肉 追加左豚肉！呢2碟肉都幾ok 色擇唔錯 份量算幾多！咬落幾林 唔會好硬～其他配料就比較少～但食埋個讚岐烏冬係好夠飽！個烏冬好食幾好咬口～另外講一講湯底 mr monster話壽喜燒日式濃湯甜甜地 好夠味 幾好味幾特别！提提你野飲要叫少冰～如果唔係會成杯都大大粒冰 實際飲得幾啖！慳錢建議：因爲佢食1個餐會有4蚊coupon 所以買2個餐記得分開買 咁就可以用2張～慳8蚊！