加藤屋 (已結業)

呢度都幾多野食選擇, 我揀左個好似PEPPER LUNCH 咁GE 鐵板飯餐。叫左CURRY CHICKEN, 雞扒勁多舊,勁厚肉, 抵! CURRY 汁叫左中辣, 咁日式野當然只係微辣,不過好香好好食! 仲要勁多CURRY 汁, 個底燒到有飯焦, 脆脆的, 正呀! 比起PEPPER LUNCH 更多送更多飯同更平。加1X蚊要多個炸粟米薯餅, 甜甜地似係蕃薯多D, 入面有粟米更加口感, 呢個就一般般LA, 有醬伴吃會好D。…查看更多

昨天和今天午五時長沙環店去買外賣全體員工用饍中冇人落單收錢對唔住,咗你地食飯我去第二間。幫襯個三幾十蚊嘅爛鬼客學人投訴,投訴也沒用...明白的反思自己做好ㄧ点吧…查看更多

真係好平！呢個係睇呢間鋪個menu時嘅感受，但同時亦感受到個種伏～不過難得佢又抄吉仔啲飯、火鍋；同時又有啲韓烤飯（我估計係pepper lunch翻版），真係一個大集匯劣食之選！叫左兩個都係湯飯，黎到見到個份量係夠大嘅，四十幾蚊黎講有埋野飲，好抵啦～香港邊到仲有咁平先～再者，佢有嘅料都足嘅，不過真係有啲難食，好多料都無乜味，例如個竹輪、隻蛋，淡嘅。湯底建議唔好亂揀，日式壽喜燒湯底根本係豉油。整體黎講，糧尾黎食個假好岩。…查看更多

今日係西九lunch 見到3樓嘅加藤屋，之前已經聽過朋友講味道有d似吉xx，所以見吉xx感多人就走黎試下呢間加藤屋。見到餐牌係都幾似吉野家嘅野食，我叫左個大概40蚊嘅濃湯豚肉鍋同烏冬。晏就唔太多人，等左大概5-10分鐘就有得食。首先，湯底嘅味道係幾似吉xx嘅濃湯，甜甜咸咸嘅，都幾正常。鍋物就有日式魚蛋、蟹柳、金菇、菜、木耳絲、蛋、少少栗米粒同薄切豚肉。普通餸食落都係感，正常味道，都足料。但我食個次d豚肉有d痴埋一舊，同邊位唔知點解有少少紅印，但冇影響味道嘅。普通鍋物黎講算合格。…查看更多

環境：⭐️⭐️⭐️店舖環境算清潔，光猛衞生，坐位亦寛敞舒適，但總帶點大陸的翻版味道！午市人流不算太多，99%是學生客，可能因為夠平！食物：⭐️⭐️⭐️野菜雞肉飯，賣相95%似吉X家，但缺左醬汁最精華部份，雞肉味道尚可接受，但飯底並非日本珍珠米！野菜份量亦合理，以$40價錢附飲品，算係咁啦！服務：⭐️⭐️⭐️以快餐式為主，先在前台買飛，等叫號碼取餐！服務員態度友善，出餐速度亦算合理！註：⭐️⭐️⭐️⭐️⭐️五星為最高分，⭐️一星為最低分。…查看更多

初次在西九龍中心見到加藤屋餐牌主打牛肉飯，感覺像翻版吉野家所以沒興趣。後來在長沙灣再遇上才發現他們有麻辣牛肉/豚肉飯，一試愛上！今晚在西九的分店選了雜炊泡飯和火鍋餐。雜炊大概有什錦的意思吧，份量不少而湯底都濃味，幾抵食至於火鍋老實說牛肉和其他配料都是普通貨，但$50不到的價錢這個煱是滿足到打邊爐的願望的，尤其是麻辣湯底如果不用等職員有空才能提供爐和點火就更好值得一提他們的泡菜味道幾特別加藤屋不算是翻版吧，他們也有自己特色，麻辣牛肉豚肉飯都幾出色，而且設計了加藤仔這角色…查看更多

係深水埗肚餓自然就行左入西九龍中心睇下有冇好野食，係樓下水牌見到加藤屋未食過就即管試下。下午茶時段有牛肉烏冬，依d穩陣野實冇死，我都係志在食d野頂到晚餐再食過。果然係普普通通，放得落口咁囉。…查看更多

黎到深水埗 係咪應該食返啲平民野食先頹食唔緊要 但要性價比合適我覺得有啲又要貴又唔好食今次去到深水埗西九相信好多人都知近頂樓係有個FOOD COURT既個到真係乜都有 又有貴 又有難食 又有頹食 但有啲都OK既接受到 好多價錢黎講都算平 個晚飯可以三十幾蚊但我今日唔係去FOOD COURT呀黎咗呢間吉野家 X PEPPER LUNCH X 大家樂 (我自己覺得)既混合體佢有邊爐 又有牛肉飯 又有鐵板牛肉飯同埋佢只係快餐店價錢 平架都 所以吸引到我去我今晚係食佢個打邊爐餐既賣相就係咁 其他快餐店五十幾 呢到四十五蚊搞掂雖然四十五蚊 但份量都唔係話少過人我覺得都幾滿意湯底都唔差架喎 幾濃味下都好飲架 我試咗幾啖佢都清清地 但有陣甜甜地既香味 幾好之後配料都係咁上下係啲雪貨黎唔可以期望咁高 但我覺得呢個價錢好合理 算唔錯…查看更多

因為事忙的關係 , 晚餐只能夠速戰速決 , 吃快餐就是不二之選 ....西九龍中心 的快餐店頗多 , 而我當晚就選擇了幫襯 加藤屋 ~ 麻辣牛肉飯跟 Zero 可樂 : 從很多角度來看 , 這間 加藤屋 都似乎跟連鎖日式牛肉飯店 吉野家 有點相似的概念 , 只不過細心了解一下便會發覺 , 其港式味道甚濃 .... 這個麻辣牛肉飯 , 不論是牛肉的質素以及米飯的質素 , 都比不上 吉野家 , 雖然並不難食 , 但就是比不上 , 味道麻麻辣辣雖然過癮 , 但牛肉就是嚡口 , 飯也不夠煙靭和甘香 , 整體來說就是中規中距 ~本篇完 ~…查看更多

同朋友去完高登買佢要既電腦野之後,周圍行下啦去到西九龍中心,又到晚飯時間咁就周圍行下搵野食啦咁見到呢間加藤屋,又有PEPPER LUNCH既鐵板飯喎,仲有一人火鍋喎.仲要好多位,唔駛等位喎見今日涼涼地,咁就食番個火鍋啦一人一個,揀個藍青口海蝦鍋同一個芝味丸子鍋啦,一個配豬,一個配牛肉,2個都叫濃湯啦個鍋黎到,發覺份量仲大過吉野家既一人火鍋,仲有自助區,可以自己再加湯咁牛肉,豬,丸呢D都無咩特別既南瓜好大塊,真係有南瓜肉添,唔似吉野家個一塊仔咁少烏冬好食,又大個,唔會淋喎,值得到去地方又坐得舒服,唔會好似樓下吉野家咁迫同細,仲要有COUPON送,可以下次去到食過…查看更多

本身想去吉野家打個邊爐啦！點知勁多人喎上多一層見到呢間有得打邊爐，仲有得食pepper lunch嘅板仔飯喎最重要又唔多人，坐位都舒服過樓下吉野家喎咁就去叫左個火鍋同一個板仔飯啦火鍋黎到，個湯夠味，肉質仲好過吉野家份量都多過吉野家喎個飯就唔會有好大特別但如果想食野黎呢間食都好唔會好多人同埋質素唔差值得黎食下…查看更多

原本諗住去西九頂樓食下頹食廣場跟住去到西九 就見到加藤屋個廣告 咁之前都覺得呢個好似吉野家+pepper lunch混合體咁 咁之後上到去門口 原來仲有大家樂嘅邊爐 仲有咖喱飯食 四種唔同款嘅食物 之前都一直想試下 終於今日可以試到呢間嘢啦咁我就點咗個鐵板黑椒牛肉飯食 佢問我加唔加芝士 咁我話加啦 所以加咗三蚊芝士落個飯到個賣相呢 我想講嘅係 幾靚喎 食落呢 啲牛都幾好食 我覺得唔差以呢個價錢黎講 再加上同pepper lunch對比之下 我覺得呢個仲好味啲添 雖然價錢唔夠頹食廣場間雅典娜平 但佢比雅典娜都要好味 啲熱牛唔算話多脂肪 啲料叫合飯 個飯啲汁唔算多 但有芝士嘅話係 又唔乾 加上鐵板有油又有肥牛嘅油 溝埋一齊幾好味 芝士味唔算太濃 反而仲好 唔會蓋過晒其他黑椒或牛肉嘅味道 我覺得係超值 仲有杯可樂跟住我地仲有個野菜麻辣豚肉飯（中辣）我覺得個飯有陣怪味咁嘅 唔知加咗啲咩咁 朋友就話好似有八角定唔知咩 跟住我先意識到係麻辣喎叫咗 麻辣同個豚肉飯我覺得唔係幾夾 怪怪地嘅味道 但中辣唔算好辣 可接受 豚肉方面 啲肉質都唔錯 係麻辣原來同啲飯係唔夾 但可能鐘意麻辣嘅人會鐘意食都唔出奇我見到好多人都用優惠券 但由於我第一次去食 當然冇券啦 但可以下次用 或者下次吾以再戰下個邊爐或者咖哩 我覺得呢個都好值得推薦下比人…查看更多

第二次來食呢間加騰屋, 今次用埋優惠券去食個一人一鍋, 真係好抵!好平民價!40幾大洋就可以享受打邊爐的樂趣。雖然如此,  但食後感覺味道及質素其實並非想像中咁差。買完野食又再送優惠券了...本來想試下個麻辣鍋, 但最後都係選擇左食濃湯芝味鍋, 湯底唔錯!打邊爐的話, 唔使講 肥牛就必配的了, 仲有芝士丸，蟹棒，蔬菜! 份量充足, 絕對夠飽!P.S: 另一要讚的係店員的禮貌&服務, NICE! 下次再黎!…查看更多

約朋友行西九中心行下睇到加藤屋，未試過又剛好到開餐時間 入去裝裝賣的食物基本同吉吉差唔到，叫左 加藤牛肉飯 和麻辣牛肉飯， 加藤牛肉飯味道同食開吉吉差唔多，麻辣牛肉飯味道還可以但太多花椒粒，希望改善用花椒油會較住。…查看更多

經常去西九龍中心都會行經呢間叫加藤屋的店鋪，但就真係未入去過試食。今晚唔知食乜，又行過位於3樓的加藤屋見到入邊唔係好多人就同老公入去試吓老公叫左麻辣牛肉飯我就叫咗加藤牛肉飯餐套餐。等左唔算好耐，如果要七味粉就要出去出邊自己拎，豉油係普通嘅生抽，食落口牛肉飯其實同吉野家牛肉飯冇乜分別。:)食飽就算，都冇特別驚喜，不過不失。唔知呢間店係咪係火鍋比較出名，見到食飯的人大多數叫火鍋，下次來呢度食可能會叫個黎試一下，唔知水準又如何呢？…查看更多