食得喜麵家

營業中

休息中

落雨去唔到街市買餸，喺呢間買牛雜同咸雞做餸。雞要80蚊，唔記得問係咪一隻，去到比錢嗰陣，黑面大媽好唔客氣咁話，斬要加8蚊，因為要解凍同要焗……見都入到嚟又費事再行去第2度買，好啦是但啦。點知返到去打開盒雞，仲衰過是但！！！抱歉當時趕開飯冇影相，真係唔信嘅就去買隻體驗下。得半隻雞都唔緊要，但竟然冇咗雞髀同雞搥，加8蚊斬埋仲要扣起，有冇賤成咁呀？點切都切唔返隻髀出嚟！隻雞仲要勁重雪氣，其實你咁不如唔好標出嚟賣啦，你賣得我就預你有信心有質素，明知解唔切凍不如一開波就話冇得賣，好過有壞印象。牛雜好咸，個汁冇鮮味，有其他形容了。點解服務差，食物低質都可以有分店？食得喜嘅只有偷雞嘅廚房囉。