泰海鮮 (已結業)

近來去三聖食海鮮, 都揀左泰海鮮加工, 兩次都坐出面, 唔知係咪裡面係大枱多, 出面都有冷氣, 只係環境差少少, 地下就係坑渠, 總覺得唔太乾淨驚有野咬。第一次來招呼幾好, 放低海鮮, 坐低就有店員黎落單, 會提議每樣海鮮點整, 第二次黎就只問我地想點整, 其他店員都好熱情, 又問飲唔飲野, 又問要唔要飯, 又會間中換碟, 服務係幾好。花竹蝦, 唔夠大開邊, 只有白灼, 其實返屋企白灼都得, 加工錢唔太抵。油鹽水花蛤, 有蒜粒增添風味。蒜蓉炒油麵菜, 份量幾多, 有少少油。蒜蓉粉絲蒸貴妃蚌, 做到好惹味, 又蒸到剛好, 唔會太熟。上次食過鹽焗奄仔蟹好好食, 今次好似無上次咁好食, 膏少d咁。鹽焗蟹等好耐, 差不多一個鐘。加工費加加埋埋, 都差不多係食物材料價錢。上次食的海鮮, 做得都幾有水準, 龍蝦加工費頗貴。