影片
更多
2020-11-09
1215 瀏覽
睇左好耐餐牌，好多既食評，（剩係呢度都睇到18年😂）到底叫咩好呢，先唔會浪費呢餐既卡路里同機會（想試既野太多，開始想試下香港既餐廳，剩係中菜，第一次試既都有排安排機會先試到）想叫多份豉油雞，好彩無叫。兩道主菜既份量真係幾大。好正呀，脆脆地淋淋地又新鮮。芥末蝦油好襯呀。份量算幾多，下次黎都會想再叫，犧牲試新款既機會。見到咁多人都會叫，我又叫😂但係佢呢兩件炸得唔乾身，有明顯既一層油。同埋個餡唔太鮮，唔太得別，蟹絲菇碎。好似兩片麵皮包住啲漿炸下咁。我覺得過於乾身同細隻，下次會叫第樣。同行人無睇餐牌，唔知佢係咩，佢話食得出煙燻味。料多過湯，冬菇燉左勁耐，太軟既口感我個人唔太鍾意。個個都叫，第一次黎點都要試下。（啲蔥唔係面，返黎先醒起，早知拎佢上粉既面會映得靚啲）但佢酒味真係超濃超濃，好似十分九係酒，十分一係雞油呀其他料咁。唔啱我口味，只食左一條陳村粉😅我食得落醉雞火鍋個種，但呢個好勁好勁酒味。個人口味，唔關個餸事。蟹勁鮮，比起自己買既肉質更好，睇間野有篇文係搵退休既老行家做買手之類。當然就算冇老行家，人哋做得飲食一定比平常人識揀海鮮洗。（平時幾常會買一隻整凍蟹自己食）呢個超高質，好大份。炒到鑊
好正呀，脆脆地淋淋地又新鮮。芥末蝦油好襯呀。份量算幾多，下次黎都會想再叫，犧牲試新款既機會。
見到咁多人都會叫，我又叫😂但係佢呢兩件炸得唔乾身，有明顯既一層油。同埋個餡唔太鮮，唔太得別，蟹絲菇碎。好似兩片麵皮包住啲漿炸下咁。
我覺得過於乾身同細隻，下次會叫第樣。同行人無睇餐牌，唔知佢係咩，佢話食得出煙燻味。
料多過湯，冬菇燉左勁耐，太軟既口感我個人唔太鍾意。
個個都叫，第一次黎點都要試下。（啲蔥唔係面，返黎先醒起，早知拎佢上粉既面會映得靚啲）
但佢酒味真係超濃超濃，好似十分九係酒，十分一係雞油呀其他料咁。唔啱我口味，只食左一條陳村粉😅
我食得落醉雞火鍋個種，但呢個好勁好勁酒味。
個人口味，唔關個餸事。
蟹勁鮮，比起自己買既肉質更好，睇間野有篇文係搵退休既老行家做買手之類。當然就算冇老行家，人哋做得飲食一定比平常人識揀海鮮洗。
（平時幾常會買一隻整凍蟹自己食）
呢個超高質，好大份。
炒到鑊氣勁香。 牛肉軟滑入味。
真係呢一碟野加碗飯已經夠食飽男士。好彩無加叫豉油雞。但好食還好食，太多油，食晒碟度仲有5毫米油咁多😵。早知拎紙巾印走每片牛既油先食。12點入座，差唔多一點走，走完個下勁唔舒服，想嘔。好彩今次堅持到兩點半，落左格無嘔返出黎。
（我只食左兩件魷魚，五六條豆，一個蟹盒，乳鴿上裝，飲湯但只食左十分一湯料，一條陳村粉，三份二蟹肉。八九片牛，十片菜。三份一粥，同三份一飯，就算我算細食，但都油油地唔舒服😅）
剩係魷魚同炒牛肉都令我覺：我會再黎，其他自己唔鍾意既係叫錯唔合自己口味咁既感覺。
但真心抵食，好過好多酒店中餐，但佢仲勁平，二百尾一位，可能酒樓算食到但絕對無咁既水準。
服務一般般，感覺似amigo，但係中餐化既劣版。始終係西餐，人地會有「風度」啲，呢間真係咁細既位傾計都幾大聲個種，我諗客人唔想聽得好清楚你地傾咩囉😂，同埋幾chur下。
張貼
