地點：旺角通菜街
菜式：上海菜
餐牌：生煎、菜飯、湯麵、拌麵、蟹粉、小食、涼拌、餅類、湯丸、小籠包、飲品，都有人氣熱賣皇牌套餐。落單掃QR code。
6
6
上海排骨湯麵 $42
上海麵一大底捲得好靚有咬口，味道清淡，好味得黎又健康。面頭加上少少脆脆，伴有小棠菜一條同蛋絲。個湯好似係雞湯，好夠味。上海排骨另上，一開6件，炸得外脆內嫩，豬味濃，都好香口，配上海麵正。
雞湯小雲吞 $35
雞湯小雲吞熱辣辣上枱，個湯超熱，好厚身。小雲吞一客12粒，皮薄滑溜，餡料就細細粒，伴有小棠菜一條、蛋絲同脆脆。
呢度豆漿成jar上任飲，夠濃厚滑溜，豆味剛好又唔太甜，好解渴。我飲左三杯。
總括而言，呢度食物質素唔錯，價錢實惠冇加一。平日午市男女老幼學生哥都有，好彩一點前到都可以直入。
