影片
更多
2020-02-27
322 瀏覽
之前經過【樂天皇朝】見到有櫥窗睇到師傅整小籠包，非常吸引我，而且我自己又好鍾意食京川滬菜。所以趁最近無禁多人就去左試下。【樂天皇朝】係新加坡過江龍中菜，主打獨具創意既8色小籠包，其他就係傳統精緻京川滬點心同小菜。辣同唔辣都有好多選擇。所以除左8色小籠包都叫左好多頭盤、點心同小菜等等。皇朝小籠包（8色）：味道包括原味、人參、鵝肝、黑松露、芝士、蟹粉、蒜香、同麻辣。（以上係食用次序）小籠包皮薄、多摺而且多汁。8種唔同口味滿足曬選擇困難症，款款都可以試到。個人最推薦鵝肝（朋友推薦）同麻辣，朋友話鵝肝有鵝肝塊，而且重鵝肝味；麻辣唔會太辣，但好香，同肉汁肉餡好match。頭盤- 麻醬油麥菜：油麥菜用青瓜捲起，好似卷軸一樣，味道清甜，搭配麻醬都唔膩好清新。頭盤-川味涼皮：算係香港食到比較正宗既涼皮！唔會太酸太辣，搭配青瓜好有口感，不過略嫌唔夠香。點心-蘿蔔絲酥餅：外皮超級鬆脆！裏面内餡就算放左一陣都好熱辣辣！新鮮炸起，而且唔會覺得油膩！點心-葱油餅：都係一款好高質既炸點，就算放左一陣，皮都鬆脆，内餡都唔會凍，最重要係唔會出油！點心-竹炭流沙包：包包好軟熟，裏面蛋黃流心超多，而且好濃，又唔會太甜！小
【樂天皇朝】係新加坡過江龍中菜，主打獨具創意既8色小籠包，其他就係傳統精緻京川滬點心同小菜。辣同唔辣都有好多選擇。所以除左8色小籠包都叫左好多頭盤、點心同小菜等等。
皇朝小籠包（8色）：味道包括原味、人參、鵝肝、黑松露、芝士、蟹粉、蒜香、同麻辣。（以上係食用次序）小籠包皮薄、多摺而且多汁。8種唔同口味滿足曬選擇困難症，款款都可以試到。個人最推薦鵝肝（朋友推薦）同麻辣，朋友話鵝肝有鵝肝塊，而且重鵝肝味；麻辣唔會太辣，但好香，同肉汁肉餡好match。
頭盤- 麻醬油麥菜：油麥菜用青瓜捲起，好似卷軸一樣，味道清甜，搭配麻醬都唔膩好清新。
頭盤-川味涼皮：算係香港食到比較正宗既涼皮！唔會太酸太辣，搭配青瓜好有口感，不過略嫌唔夠香。
點心-蘿蔔絲酥餅：外皮超級鬆脆！裏面内餡就算放左一陣都好熱辣辣！新鮮炸起，而且唔會覺得油膩！
點心-葱油餅：都係一款好高質既炸點，就算放左一陣，皮都鬆脆，内餡都唔會凍，最重要係唔會出油！
點心-竹炭流沙包：包包好軟熟，裏面蛋黃流心超多，而且好濃，又唔會太甜！
小菜-沙拉排骨：外表雖然無咩特別，但喜出望外！排骨超霖無肥膏，但明顯唔係用鬆肉粉喇過。雖然炸左但唔油。沙律醬雖然睇落去比較多，但一D都唔膩！
粉麵-皇朝擔擔拉麵：可以選擇小辣，唔係得個辣字、花生味道好濃，湯都好濃稠，面非常掛湯。雖然睇上去平平無奇，但好高質既擔擔麵！
甜品-桂花酒釀丸子：比較中規中矩，無咩特點，但唔會太甜。
總括【樂天皇朝】既菜式都好高質，而且價錢合理！唯一缺點就係出菜太快！
張貼
