辣度餐廳 (已結業)

同姐妹行完荃灣千色匯，食厭左商場千篇一律嘅食肆，今日又天寒地凍，搵搵下搵到呢間位喺荃灣廣場附近嘅辣度餐廳。舖面不大，應該只有十多張枱左右，但裝橫卻幾有特色。餐牌選擇幾多，價錢都經濟除左火鍋配料外，仲有燒物同前菜揀見到清新水果鍋咁創新，我地決定試試佢！原來湯底係以哈密瓜同味噌淆製，味道唔會太淡仲幾清甜，估唔到水果都可以用嚟打邊爐，下次一於喺屋企都試下先~~美國肥牛雖然口感一般，但好有牛味，而且一啲雪藏味都無！手切肥牛超有咬口，而家肉筋分明，食落口真係有彈下彈下咁嘅感覺超級推介！！！話佢係鎮店之寶一啲都唔誇張，上到枱係熱辣辣架！即叫即炸嘅好處係脆卜卜到不行！配搭沙律醬原來勁夾，我地經試驗過發現佢即食好過放入火鍋，唔係就浪費晒佢地脆脆口感，真係一試難忘四寶丸同水餃雲吞不過不失，係略嫌芝士丸嘅芝士唔夠多🤔牛柏葉幾爽口，而菜亦算新鮮。見到來店嘅顧客多數叫佢嘅麻辣鍋，下次經開荃灣要黎encore試下先~