Texas Burger (已結業)

想食足料、厚身嘅漢堡包，就諗起Texas Burger。 喺朗豪坊地點夠方便，而且環境好開揚，玻璃幕牆透出自然陽光。先嚟一個沙律，青醬雞絲蘋果田園沙律，Pesto醬用咗Basil特別清新，再加上酸酸甜甜嘅青蘋果，又爽脆又開胃。見到有個限時優惠，磚塊芝士漢堡，成個Lego咁，好有創意。 有三種顏色，原來每日只有一種顏色供應，今日係橙色，入面除咗有生菜、車打芝士、薰牛肉，仲有一塊厚身漢堡扒，味道唔錯，賣相咁正，當然要相機食先啦~煙燻英國車打芝士牛肉漢堡咁高，一啖真係咬唔到，都係用刀叉食，哈哈！另外要提吓個炸薯條，即炸超脆，超好食。朋友話佢個梳打比較淡。而我個熱MOCHA就好濃，但啲朱古力粉遮住咗個拉花。