Chotto Maki (廈門街) (已結業)

之前經過見到有間日本女公仔頭既舖頭，望過下見到係食日式飯卷但因為唔餓所以無食到。後來有晚屋企無煮飯，又咁岩係附近就去左買番去同屋企人share。⭐️Beef-Iyaki超級大既飯卷，完全表現出甚麼叫爆饀！除左有牛肉外，亦有好多配料同醬汁，雖然好大舊但飯唔會過份鬆散。飯卷內的生菜同面既蟹籽都起到一個增加口感的作用，而且生菜令到飯卷既膩感大減，入面仲有腐皮同蔥，尚算清新。⭐️Black Magma一份8件，屬於小卷，但饀既份量依然唔少。入面有大量吞拿魚蓉，新鮮好味，加上帶子同天婦羅脆脆，令到本身比較軟既吞拿魚蓉都有一定口感，當中既沙律同所有食材非常夾，不過表面既黑芝麻醬味道不等突出。⭐️Peach & Apple Cider Peach Cider的桃味濃郁，梳打的氣無蓋過桃味用來送sushi一流。蘋果味亦一樣，味道濃郁，而且唔會太甜，價錢合理，覺得好正。整體味道唔錯，份量好大，女仔黎講食一份都夠飽。