御の味 (已結業)

今日朋友生日同佢去食我omakase慶祝 呢間位於灣仔嘅uo n係新開嘅 之前同一個舖位都係做omakase 裝修好有格調 樓底夠高 加上吊飾好宏偉嘅感覺 為咗方便傾計 我哋坐咗喺卡位 非常闊落首先會有幽香既無糖櫻花茶再有蘋果汁加日本清酒 酒味唔濃反而蘋果味好突出 女士都啱飲牛油果他他 入面有芥末 吞拿魚 鮮蝦 三文魚 用上半隻牛油果殻做器皿 非常特別食落creamy 好開胃煙燻鵪鶉蛋 配 煙燻鴨胸肉 一打開玻璃罩 煙燻嘅煙即刻湧出嚟 加上鳥巢造型好可愛 煙鴨胸肉甜甜地松茸菇湯加木魚花 用咗咖啡壺去做器皿非常有心思 木魚湯清清地唔錯 加埋和牛肉丸一齊食 更加有另外一種風味報紙雞卷 用米紙包住炸雞 報紙都食 得外面脆脆地炸雞夠嫩滑吉列和牛 牛味濃郁 不過略嫌乾身菠蘿沙冰 食壽司前嘅甜品 好清涼解膩豆紙甜蝦壽司紫菜三文魚腩壽司蟹膏糯米包壽司慢煮鵝肝脆脆 吞拿魚他他 鵝肝係凍食嘅 比較油膩魚鱗布甸加木瓜肉 好神奇嘅一個創意甜品 用上魚鱗去做布甸不過唔腥